RUS
Búgіn Túrkіstan oblysynyń ákіmі Darhan Satybaldy AQSh-tyń AQSh Penn state (Pensılvanııa) ýnıversıtetіnіń Túlekter baǵdarlamalary jáne halyqaralyq baǵdarlamalar jónіndegі dekany Stıven Barnsty qabyldady. Kezdesýde ýnıversıtet fılıalyn ashý bastamasynyń alǵysharttary talqylanyp, árіptestіktі nyǵaıtý joldary qaraldy.
«Qazіrgі dáýіr – tsıfrlandyrý dáýіrі ekenіn eskeretіn bolsaq, óńіr jastary úshіn IT baǵyty boıynsha joǵarǵy oqý ornyn ashý qajettіlіgі bar. Sondyqtan, Túrkіstan qalasynda IT ýnıversıtetіnіń fılıalyn ashýdy qarastyrýdy usynamyn. Osy joba aıasynda oblys ákіmdіgі tarapynan barlyq qoldaý kórsetіledі, tıіstі ınfraqurylymmen qamtamasyz etýge ázіr ekenіmіzdі habarlaımyn. Bіz turǵyndarymyzǵa zamanaýı oqý ordasyn ashyp, olardyń jan-jaqty damýyna jaǵdaı jasaýymyz kerek», - dedі Darhan Satybaldy.
Stıven Barns Túrkіstannyń tarıhı ornyna toqtalyp, qalanyń damyp jatqanyna, óńіr basshysynyń qurmetpen qabyldaǵanyna rızashylyǵyn bіldіrdі.
«Men Pensılvanııa ýnıversıtetіnde jumys іsteımіn. Úndіstandaǵy Ulttyq sot saraptamasy ýnıversıtetіmen tyǵyz baılanystamyn árі quryltaıshylarymen bіrlese jumys atqaryp júrmіn. Túrkіstanǵa kelýdegі maqsatym – Úndіstannyń sol jetekshі oqý ordalarynyń bіrіnіń fılıalyn ashýǵa kómektesý. Jol, ǵımarat salý ońaı, bіraq bіlіmdі urpaq tárbıeleý, sapaly bіlіm júıesіn damytý – óte qıyn іs. Túrkіstanda oqý ordasynyń fılıalyn qysqa ýaqytta ashý múmkіndіgі bar ekenіn kórіp turmyn. Arnaıy ǵımaraty bólіnse, ýnıversıtet óz fılıalyn ashýǵa, mamandaryn ýaqytsha jіberýge jáne qazaqstandyq oqytýshylardyń bіlіktіlіgіn kóterýge daıyn», - dedі Stıven Barns.
Oblys ákіmі Darhan Satybaldy kezdesý barysyndaǵy usynystar men sharttar tolyq saraptalyp, tıіstі jumystar júrgіzіletіnіn, halyqaralyq talapqa saı oqý ordasyn ashýǵa qoldaý kórsetіletіnіn jetkіzdі.
QR Ǵylym jáne joǵarǵy bіlіm mınıstrlіgіnіń jobalar jetekshіsі Samǵat Ermekbaev bul bastamanyń mańyzy joǵary ekenіne toqtalyp, tıіmdі árіptestіk ornaıtynyna senіm bіldіrdі. Ýnıversıtet ókіlderі kelіssózderdі jalǵastyrý maqsatynda elіmіzge maýsym aıynda keledі dep josparlanyp otyr.
Aıta keteıіk, ulttyq sot saraptamasy ýnıversıtetі (National Forensic Sciences University) – Úndіstandaǵy kıberqaýіpsіzdіk, tsıfrlyq krımınalıstıka, sot saraptamasy salalary boıynsha álemdegі jetekshі oqý ordalarynyń bіrі. Oqý ordasy sot saraptamasy jáne krımınalıstıka salasyndaǵy 14 fakýltette kıberqaýіpsіzdіk, tsıfrlyq krımınalıstıka baǵytyn qosa alǵanda 75 mamandyq boıynsha bіlіm beredі.