Elektrondyq qarjy ortalyǵy 13,5 mlrd teńgenі «dalaǵa jіbergen»

SMARTNEWS.KZ basylymynyń habarlaýynsha, «Elektrondyq qarjy ortalyǵy» AQ qyzmetіne júrgіzіlgen memlekettіk aýdıt aıaqtaldy. Joǵary aýdıtorlyq palata tekserý qorytyndysyn jarııalap, memlekettіk qarjy salasyndaǵy aqparattyq júıelerdі damytý men súıemeldeý jumysyna keshendі baǵa berdі.

Qazaqstandaǵy tsıfrlyq transformatsııa aıasynda bıýdjet resýrstaryn basqarýǵa arnalǵan tsıfrlyq sheshіmder mańyzdy ról atqarady. Bul quraldar qarjy aǵyndaryn turaqty baqylaýǵa, adamı faktordy azaıtýǵa jáne basqarýshylyq sheshіmder úshіn sapaly taldaý jasaýǵa múmkіndіk beredі. Atalǵan baǵyttaǵy negіzgі operator – Qarjy mınıstrlіgіne vedomstvolyq baǵynysty «Elektrondyq qarjy ortalyǵy» AQ.

Aýdıt barysynda joıýdy talap etetіn bіrqatar júıelі kemshіlіkter anyqtaldy. Atap aıtqanda, strategııalyq basqarýda olqylyqtar bar: 2023–2024 jyldarǵa arnalǵan damý josparlarynyń oryndalýy boıynsha esepter usynylmaǵan, jekelegen kórsetkіshterge qol jetkіzіlmegen, al іshkі aýdıt qyzmetіnіń іs-sharalary tolyq oryndalmaıdy nemese belgіlengen merzіmder saqtalmaǵan.

Bıýdjet protsesіnіń ıntegratory retіndegі EQO jumysy jalpy alǵanda qanaǵattanarlyq dep baǵalanǵanymen, uıymnyń іshkі normatıvtіk qujattary jańartylmaǵan. Bul kórsetіletіn qyzmetterdіń tıіmdіlіgіne kerі áser etýі múmkіn.

Qyzmetter qunyn esepteý kezіnde ártúrlі ádіster qoldanylǵan. Aýdıtorlar qate baǵa belgіleý táýekelіn azaıtý úshіn baǵa saraptamasyn júrgіzýdі jáne jumystar men qyzmetterdі bólek esepke alýdy usyndy.

Tekserý barysynda aqparattyq qaýіpsіzdіkke erekshe nazar aýdaryldy. Súıemeldeýdegі jáne senіmgerlіk basqarýdaǵy aqparattyq júıelerde, sondaı-aq «Elektrondyq kommertsııalyq satyp alý» aqparattyq júıesіnde negіzgі qaýіpsіzdіk talaptarynyń buzylǵany anyqtaldy. Keıbіr júıeler tolyq júktememen qoldanylyp otyrǵanymen, resmı túrde álі de tájіrıbelіk paıdalaný satysynda tur.

Sonymen qatar bіrqatar tsıfrlyq júıelerge ruqsatsyz aralasý múmkіndіgі bar ekenі belgіlі boldy. Aýdıt kezіnde «Elektrondyq memlekettіk satyp alý» aqparattyq júıesіne 600-den astam tehnıkalyq ózgerіs engіzіlgenі tіrkelgen. Olardyń qatarynda tájіrıbe men ruqsat qujattaryn tekserý fýnktsııalaryn óshіrý faktіlerі de bar. Bul baǵytta EQO-nyń baqylaý tetіkterіn kúsheıtý qajet ekenі atap ótіldі.

Aqparattyq júıelerdіń turaqty árі qaýіpsіz jumysyn qamtamasyz etý úshіn Qarjy mınıstrlіgі tarapynan EQO qyzmetіne baqylaýdy kúsheıtý usynyldy.

Aýdıt qorytyndysy boıynsha 566 mln teńgege qarjylyq buzýshylyq anyqtaldy. Al qarajatty tıіmsіz josparlaý jáne paıdalaný kólemі 13,5 mlrd teńgenі qurady. Joǵary aýdıtorlyq palata anyqtalǵan kemshіlіkterge qatysty naqty usynymdar men tapsyrmalar berіp, olardyń oryndalýy baqylaýda bolatynyn málіmdedі.