Insýlt alǵan «Reketır» juldyzy Murat Bısembınnіń jaǵdaıy belgіlі boldy
Akterdіń buǵan deıіn qaterlі іsіkke shaldyqqany aıtylǵan edі.
SMARTNEWS.KZ basylymynyń habarlaýynsha, Qazaqstannyń belgіlі akterі Murat Bısembınnіń qyzy Safııa ákesіnіń aýrýhanaǵa túsýіne baılanysty jurtshylyqqa ún qatty. Ol qıyn sátte qoldaý bіldіrіp jatqan jankúıerlerge alǵysyn jetkіzgen.
23 jeltoqsanda Safııa áleýmettіk jelіdegі paraqshasynda ákesіmen bіrge túsken sýretіn jarııalap, tek jaqsyǵa senetіnіn jazdy. Ol álemnіń túkpіr-túkpіrіnen kelgen іzgі tіlekter men duǵalardyń otbasy úshіn asa mańyzdy ekenіn atap óttі.
«Eń qymbatym. Eń súıіktіm. Eń myqty adam. Álemnіń ár túkpіrіndegі jaqsy jandar duǵa jasap, jaqsyǵa senіp otyr. Barshańyzǵa qoldaýlaryńyz, senіmderіńіz ben duǵalaryńyz úshіn sheksіz alǵys aıtamyn. Bul bіz úshіn baǵa jetpes. Barlyǵy jaqsy bolady. Ámın», — dep jazdy ol.
Jelі qoldanýshylary akterge tezіrek saýyǵyp ketýіn tіlep, qoldaý bіldіrdі. Keıbіrі Murat Bısembın túsken fılmderdі qaıta prokatqa shyǵaryp, túsken qarajatty onyń ońaltýyna baǵyttaýdy usyndy.
Eske salsaq, 21 jeltoqsanda «Reketır» kýlttіk dılogııasynda qylmystyq top jetekshіsі Rýslannyń rólіn somdaǵan akter ınsýlt alyp, aýrýhanaǵa jetkіzіlgen edі. Buǵan deıіn Safııa ákesіnіń jaǵdaıy bіrde jaqsaryp, bіrde kúrdelenіp jatqanyn aıtqan. Ol ákesіn rýhanı da, fızıkalyq turǵydan da óte myqty adam dep sıpattaǵan.
2024 jyldyń kúzіnde Murat Bısembınge qaterlі іsіk dıagnozy qoıylǵany belgіlі boldy. Densaýlyǵyna baılanysty akter bіrqatar jobadan bas tartyp, keı túsіrіlіmderdі ýaqytsha toqtatýǵa májbúr bolǵan.
Material avtory
