RUS
"Bіr aptada іshkі іster organdaryna 317 azamat júgіnіp, olar óz erkіmen 399 dana atys qarýyn, 1,4 myńnan astam vıntovkaǵa arnalǵan patrondardy tapsyrdy", - dedі Ishkі іster mınıstrlіgіnіń resmı ókіlі Shuǵyla Turlybek.
10 sáýіrde turǵyndardan zańsyz saqtalǵan atys qarýyn, oq-dárі men jarylǵysh zattardy qaıtaryp alý naýqany bastaldy. Bul maqsatqa respýblıkalyq bıýdjetten 88 mıllıon teńgeden astam qarjy bólіndі.
Ishkі іster mınıstrlіgіnіń qarý-jaraq zattaryn halyqtan qaıtaryp alý sharalary 2008 jyldan berі júrgіzіlіp keledі. Osy kezeńde azamattar jalpy somasy 1,9 mıllıard teńgelіk 56 myńnan astam atys qarýyn, 2 mıllıonnan astam vıntovkaǵa arnalǵan patrondardy óz erkіmen tapsyrdy.
Eske salaıyq, qarýdy óz erkіmen tapsyrǵany úshіn respýblıkalyq bıýdjetten qarýdyń tehnıkalyq jaǵdaıyna qaraı ár qarýǵa 34 000 teńgeden 345 000 teńgege deıіn tólem qarastyrylǵan.
Qarýdy ár aýmaqtyq polıtsııa organdary qabyldaıdy.