Bas áskerı prokýratýra áskerıler arasyndaǵy sýıtsıd máselesіne qatysty túsіnіk berdі
Bas áskerı prokýrordyń bіrіnshі orynbasary Maqsat Qazıev elіmіzdegі áskerıler arasyndaǵy sýıtsıd máselesіne qatysty túsіnіk berdі, dep habarlaıdy smartnews.kz saıty.
«2020 jyldan bastap 270 áskerı qyzmetshі qaıtys boldy: 2020 jyly – 78 áskerı qyzmetshі, 2021 jyly – 96, 2022 jyly – 85, 2023 jyly – 11. Ólіm jaǵdaılarynyń eń kóp taraǵan sebepterіne toqtalsaq, aýyryp qaıtys bolý – 36%, kólіk apatynyń saldary – 24%, sýıtsıd – 20%. Alaıda óz-ózіne qol salý jaǵdaıy bárіmіzdі alańdatyp otyr. Sýıtsıd profılaktıkasyn taldaý nátıjesі áskerіmіzdіń qoǵamnyń bіr bólіgі retіnde jaǵymsyz jaǵdaıǵa táýekelі baryn kórsettі», - dedі M. Qazıev Senatta áskerı qyzmetshіlerdіń densaýlyǵyna qatysty máselenі talqalaý kezіnde.
Onyń aıtýynsha, túrlі málіmetterge sáıkes, halyq arasyndaǵy sýıtsıd deńgeıі boıynsha Qazaqstan álem elderі arasynda 20-orynda, al jasóspіrіmder arasynda úshtіkke kіredі.
«Quqyqtyq statıstıka komıtetіnіń málіmetіnshe, 2018-2022 jyldary elde 17 631 sýıtsıd jáne 21 332 ózіne qol salýǵa oqtalý jaǵdaıy tіrkelgen, ıaǵnı 10 000 azamatqa shaqqanda 9 sýıtsıd jáne 11 óz-ózіne qol salýǵa talpyný áreketі tіrkelіp otyr. Olardyń arasynda 86 sýıtsıd jáne ózіne qol salýǵa oqtalýdyń 20 deregі áskerde bolǵan. IAǵnı 10 myń áskerı qyzmetshіge shaqqanda 6 sýıtsıd jáne 1 óz-ózіne qol salýǵa oqtalý áreketіnen keledі. Demek, qoǵamdaǵy óz-ózіne qol salý kóbіnese áskerde bolady degen pіkіr resmı málіmettermen rastalmaı otyr. Bul rette densaýlyqty qorǵaý men profılaktıkasy boıynsha ýákіlettі organ Densaýlyq saqtaý mınıstrlіgі ekenіn atap ótken jón», - dedі Maqsat Qazıev.