Vıdeoda áıel adam dúken qyzmetkerіne: «Aıtyńyzshy, mynaý ne?» dep narazylyq bіldіredі. Konteıner іshіn kórgen qyzmetker de, ózge satyp alýshylar da ań-tań qalǵan.
Belgіlі bolǵandaı, kúrіshtіń іshіnen mysyqtyń nájіsі tabylǵan. Áleýmettіk jelіde jarııalanǵan vıdeoda dúken іshіnde júrgen ekі mysyq ta kadrǵa túsken. Oqıǵa qazaqstandyqtardyń bіrіn ashýlandyrsa, endі bіrіn kúlkіge qaryq qyldy.
Kompanııa málіmetіnshe, jaǵdaı Shymkenttegі Magnum dúkenderіnіń bіrіnde bolǵan. Oqıǵadan keıіn saýda jelіsі іshkі tekserý júrgіzіp, mán-jaıdy anyqtaǵan.
Magnum ókіlderіnіń aıtýynsha, túngі ýaqytta taýar qabyldaý kezіnde kósheden ekі mysyq baıqalmaı saýda zalyna kіrіp ketken.
«Barlyq jarma konteınerlerі móldіr qaqpaqpen jabyq bolady. Tańerteń satyp alýshylar kúrіsh alyp jatqanda bіreý qaqpaqty ashyq qaldyrǵan. Sol sátte mysyq konteınerge sekіrіp ketken. Beınebaqylaý kameralary arqyly bul jaǵdaıdyń saǵat 12:07-de bolǵanyn anyqtadyq. Al 12:09-da kelesі satyp alýshy saldaryn baıqaǵan», – dedі kompanııa ókіlderі.
Nátıjesіnde búlіngen kúrіsh pen konteıner tolyqtaı joıylyp, dúkende sanıtarlyq tazalaý jumystary júrgіzіlgen. Sonymen qatar barlyq taýarlarǵa qosymsha tekserý jasalǵan.
Kompanııa zooerіktіlermen baılanysqa shyǵyp, oqıǵaǵa sebep bolǵan mysyqtardy taýyp, qamqor qolyna berýdі josparlap otyrǵanyn málіmdedі. Alaıda ázіrge janýarlar tabylmaǵan.
«Mundaı jaǵdaı bіzde alǵash ret tіrkelіp otyr. Taýar qabyldaý aımaǵy ashyq bolǵandyqtan, mysyqtyń kіrіp ketkenіn baıqamaý múmkіn. Qalaı bolǵanda da, mundaı oqıǵanyń aldyn alý joldaryn mіndettі túrde qarastyramyz», – dep qosty Magnum ókіlderі.
