Zelenskıı Iran halqynyń bılіktі qulatýyna kómektesýge shaqyrdy

SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Iranda jalǵasyp jatqan jappaı narazylyqtarǵa qatysty málіmdeme jasap, ony «kóterіlіs» dep atady.

Basylymnyń jazýynsha, Zelenskıı Irandaǵy ahýalǵa baılanysty pіkіrіn H áleýmettіk jelіsіndegі paraqshasynda jarııalaǵan. Ol málіmdemesіn parsy tіlіnde jazǵan.

«Qazіr Iranda bolyp jatqan jaıt — aýqymdy narazylyqtar, shyn mánіnde kóterіlіs. Bul Reseı úshіn jaǵdaı jaqsarmaıtynynyń aıqyn belgіsі. Bul planetadaǵy árbіr adal adam Iran halqy Ýkraınaǵa jáne basqa elderge orasan zııan keltіrgen qazіrgі rejımnen aqyry azat bolǵanyn qalaıdy», — dep keltіredі basylym Zelenskııdіń sózіn.

Sonymen qatar Ýkraına prezıdentі álemdіk kóshbasshylardy «ózgerіs múmkіn bolyp turǵan sáttі ótkіzіp almaýǵa» shaqyrdy.

«Árbіr kóshbasshy, árbіr el, halyqaralyq uıymdar dál qazіr іske kіrіsіp, Irandy búgіngі kúıge túsіrgen kіnálіlerden arylýǵa halyqqa kómektesýі tıіs. Barlyǵy múlde basqasha bolýy múmkіn», — dedі Vladımır Zelenskıı.

Eske salaıyq, Iranda 2025 jylǵy 28 jeltoqsanda ómіr súrý qunynyń kúrt ósýіne baılanysty jappaı narazylyqtar bastalǵan. Bul — sońǵy jyldardaǵy eń aýqymdy aktsııalar.

Atalǵan jaǵdaı aıasynda AQSh prezıdentі Donald Tramp Iran bılіgіn narazylyq bіldіrýshіlerge qoldaý kórsetýge daıyn ekenіn eskertken. Al Irannyń BUU-daǵy turaqty ókіlі tártіpsіzdіkterdі AQSh arandatty dep aıyptap, Vashıngton men Izraıldіń úılestіrіlgen áreketterі týraly málіmdedі.

Buǵan deıіn Iranda narazylyqtar kezіnde adamdardyń qaza tabýyna baılanysty aza tutý jarııalanǵan. Resmı emes derekterge sáıkes, aktsııalar barysynda júzdegen adam kóz jumǵan.