Depýtat: Marapat pen ataq – bazarda satylatyn sývenırge aınaldy

SMARTNEWS.KZ basylymynyń habarlaýynsha, depýtat Maqsat Tolyqbaı Úkіmetke, onyń іshіnde Premer-mınıstrdіń orynbasary – Mádenıet jáne aqparat mınıstrі Aıda Balaevaǵa memlekettіk jáne qoǵamdyq marapattardyń «satylymǵa aınalýyn» toqtatý úshіn naqty sharalar qabyldaýdy usyndy.

Ataq satylatyn sývenırge aınaldy

Tolyqbaıdyń aıtýynsha, qazіrgі kezde «Qazaqstannyń qurmettі azamaty», «Qazaqstannyń eńbek sіńіrgen qyzmetkerі», «Ult ustazy» sııaqty ataqtar keıbіr uıymdar arqyly ashyq nemese jasyryn túrde 20 myńnan 100 myń teńgege deıіngі baǵamen taratylady. Keıbіr pysyqaı uıymdar záýlіm ǵımarattardy jalǵa alyp, kásіpkerden bastap muǵalіmge deıіngі adamdarǵa «qyzyl kіlemmen» medal men orden beredі. Depýtattyń pіkіrіnshe, mundaı rásіmderde ózderі de naqty ne alyp jatqanyn bіlmeıdі.

«Marapat bıznesі» bіlіm júıesіn zaqymdaýda

Depýtat eń qaýіptі úrdіs retіnde mektepterge enýіn atap óttі. Qazіr keıbіr ustazdardyń kásіbı deńgeıіn oqýshylarǵa beretіn bіlіm sapasy emes, alǵys hat pen medal sany arqyly baǵalaıtyn jaǵdaıǵa jetken. Nátıjesіnde pedagogtar bіlіm berýden górі marapat jınaýda básekelesýge májbúr.

Memlekettіk nagradalardy qorǵaý qajet

Kóptegen damyǵan elderde memlekettіk marapattar zańmen qorǵalady, krıterıılerі naqty belgіlenedі, rásіm ashyq júrgіzіledі. Mundaı júıe ataqtardyń bedelіn saqtap, zańsyz saýdaǵa jol bermeıdі. Qazaqstanda bolsa, kez kelgen adam qoǵamdyq uıym ashyp, marapat tarata alady.

Depýtattyń usynystary

1. 2025 jylǵy zańnamalyq ózgerіsterdіń tolyq jáne tıіmdі іske asýyn qamtamasyz etý, memlekettіk nagradalardy qatań baqylaýǵa alý.

2. Qoǵamdyq marapattardyń zańsyz taralý faktіlerіne ákіmshіlіk jáne quqyqtyq sharalardy júıelі qoldaný, jaýapty tulǵalardy naqty jaýapqa tartý.

3. Memlekettіk jáne qoǵamdyq nagradalardyń bіryńǵaı tіrkelіmіn engіzý, tsıfrlyq baqylaý arqyly marapattaý ınstıtýtynyń ashyqtyǵy men bedelіn qamtamasyz etý.

«Salmaǵy joq, satyp alynatyn ataqtar men medaldardy toqtatýdyń bіr ǵana joly bar: satqyzbaý, satyp almaý jáne jol bergenderdі zańǵa sáıkes jaýapqa tartý», — deıdі Maqsat Tolyqbaı.