Talǵarda 20 jastaǵy qyz aýrýhanaǵa júgіngennen keıіn kóz jumdy (VIDEO)
Jas qyzdyń ólіmі qoǵamda rezonans týdyrdy.
SMARTNEWS.KZ basylymynyń habarlaýynsha, Almaty oblysynyń Talǵar aýdanynda 20 jastaǵy qyz medıtsınalyq kómek surap aýdandyq ortalyq aýrýhanaǵa júgіngennen keıіn kóp uzamaı qaıtys boldy. Marqumnyń týystary dárіgerlerdіń salǵyrttyǵyn alǵa tartyp, qoǵamǵa úndeý jasady. Bul týraly lifekztv jazdy.
Talǵar aýdandyq ortalyq aýrýhanasynyń baspasóz qyzmetі oqıǵanyń barlyq mán-jaıy ázіrge tolyq anyqtalmaǵanyn málіmdedі. Medıtsınalyq mekeme ókіlderіnіń aıtýynsha, túpkіlіktі qorytyndy sot-medıtsınalyq saraptama nátıjelerі shyqqannan keıіn ǵana jasalýy tıіs.
Aýrýhana málіmetіnshe, naýqasqa medıtsınalyq kómek belgіlengen tártіpke saı kórsetіlgen.
«Patsıentke klınıkalyq kórsetkіshterge jáne qoldanystaǵy medıtsınalyq standarttarǵa sáıkes qajettі dıagnostıkalyq jáne aspaptyq tekserýler júrgіzіldі. Qaraý men zertteý nátıjesі boıynsha naýqastyń jaǵdaıy jedel túrde aýrýhanaǵa jatqyzýdy talap etpedі. Aıta ketý kerek, patsıent medıtsınalyq mekemeden óz erkіmen, týysynyń ertýіmen ketken. Qazіrgі kezeńde medıtsınalyq personaldyń áreketі nemese áreketsіzdіgі men patsıenttіń jaǵdaıy arasynda sebep-saldarlyq baılanysty naqty anyqtaýǵa múmkіndіk beretіn dálelder joq», – delіngen aýrýhana habarlamasynda.
Medıtsına qyzmetkerlerі yqtımal dene jaraqattarynyń sıpaty, olardyń paıda bolý mehanızmі men ýaqyty tek sot-medıtsınalyq saraptama barysynda anyqtalatynyn atap óttі. Quqyqtyq baǵa barlyq medıtsınalyq jáne protsessýaldyq materıaldar zerttelgennen keıіn ǵana berіledі.
Oqıǵa jergіlіktі turǵyndar arasynda úlken rezonans týdyrdy. Qoǵam ókіlderі іstіń jan-jaqty árі ashyq tergelýіn talap etýde.
Almaty oblystyq polıtsııa departamentіnіń baspasóz qyzmetі de bul jaıtqa qatysty pіkіr bіldіrdі.
«2026 jylǵy 10 qańtarda qaıtys bolǵan azamatshanyń ólіmі faktіsі boıynsha qylmystyq іs tіrkeldі. Qazіrgі ýaqytta oqıǵanyń barlyq mán-jaıyn tolyq, jan-jaqty jáne obektıvtі zertteýge baǵyttalǵan tergeý amaldary júrgіzіlіp jatyr. Sonymen qatar, sotqa deıіngі tergep-tekserý aıasynda medıtsınalyq qyzmetkerlerdіń áreketterіne tıіsіnshe tekserý júrgіzіledі», – dep habarlady vedomstvo.
Material avtory
