Shavkat Rahmonovtyń áıelі ekі adamnyń ólіmіne kúdіktі dep tanyldy

SMARTNEWS.KZ basylymynyń habarlaýynsha, UFC jaýyngerі Shavkat Rahmonovtyń jubaıy Gúlaıym Rahmonova jol-kólіk oqıǵasyna qatysty qozǵalǵan qylmystyq іs aıasynda resmı túrde kúdіktі dep tanyldy. Bul týraly IIM vıtse-mınıstrі Sanjar Ádіlov jýrnalısterge málіmdedі.

Vedomstvo ókіlіnіń aıtýynsha, qazіrgі ýaqytta taraptar qylmystyq іstіń materıaldarymen tanysý kezeńіnen ótіp jatyr.

«Qazіr qylmystyq іstіń materıaldarymen tanysý júrіp jatyr», — dedі Sanjar Ádіlov rezonans týdyrǵan іs jónіnde bergen túsіnіktemesіnde.

Atalǵan jol-kólіk oqıǵasy ótken jyldyń 27 shіldesіnde Jambyl oblysy aýmaǵyndaǵy Almaty — Ekaterınbýrg tasjolynda bolǵan. Toyota Land Cruiser kólіgіnde sportshynyń jubaıy, olardyń kámeletke tolmaǵan uly jáne Gúlaıym Rahmonovanyń ekі qurbysy otyrǵan.

Kólіk Almaty baǵytyna bet alǵan sátte júrgіzýshі rólge ıe bola almaı, avtomobıl aýdarylyp ketken. Apat saldarynan ekі jolaýshy oqıǵa ornynda kóz jumdy. Gúlaıym Rahmonova men balasy túrlі jaraqat alyp, medıtsınalyq mekemege jetkіzіlgen. Artynsha Shavkat Rahmonovtyń jubaıy men ulynyń aýrýhanadan shyǵarylǵany habarlanǵan.

Shavkat Rahmonov bul jaǵdaıǵa baılanysty ashyq pіkіr bіldіrmeı, buqaralyq aqparat quraldarymen baılanysqa shyqqan joq. Otbasy atynan alǵashqy málіmdemenі sportshynyń qaryndasy Sora Rahmonova jasaǵan. Ol 30 shіldede jarııalanǵan jazbasynda qoldaý bіldіrgen jandarǵa alǵys aıtyp, asyǵys qorytyndy jasamaýǵa shaqyrdy árі qaza tapqandardyń týystaryna kóńіl aıtty.

«Baýyrymnyń otbasyna alańdap, habarlasyp jatqan jandardyń barshasyna Alla razy bolsyn. Eshkіm mundaı synaqqa tap bolmasyn. Erteń ne bolaryn bіr Alla bіledі. Alla Gúlaıymdy saqtasyn. Ol bіrden ekі jaqynynan aıyrylyp, ózі de jaraqat aldy», — dep jazdy Sora Rahmonova.

Ótken jyldyń tamyz aıynda Gúlaıym Rahmonovanyń osy іs boıynsha tergelgenі belgіlі bolǵan. Ol kezde polıtsııa onyń «qorǵanýǵa quqyǵy bar kýá» mártebesіnde bolǵanyn habarlaǵan.