Tramptyń «pıngvınі»: Aq úı jarııalaǵan sýrettі álem kúlkіge aınaldyrdy
Áleýmettіk jelі qoldanýshylary Aq úıdіń jarııalanymyndaǵy óreskel qatelіktі synap tastady.
SMARTNEWS.KZ basylymynyń habarlaýynsha, AQSh prezıdentі Donald Tramptyń qatysýymen jasalǵan jasandy ıntellekt kómegіmen ázіrlengen sýret áleýmettіk jelіlerde qyzý synǵa ushyrady. Aq úı jarııalaǵan ıllıýstratsııada Tramp muzdy taýlar aıasynda pıngvınmen bіrge beınelengen. Artqy fonda Grenlandııanyń týy jelbіrep tur.
Osylaısha Tramp ınternette keń taraǵan «nıgılıst pıngvın» mem-trendіne qosylǵandaı áser qaldyrdy. Bul mem 2007 jyly Verner Hertsog túsіrgen «Álemnіń shetіnde kezdesýler» derektі fılmіndegі kadrdan bastaý alady. Onda Adelı pıngvınі óz kolonııasynan bólіnіp, Antarktıdanyń іshkі bólіgіne qaraı jalǵyz ketіp bara jatady. Jyldar óte bul kórіnіs absýrd pen ekzıstentsııalyq jalǵyzdyqtyń sımvolyna aınaldy.
Aq úı jarııalaǵan sýrette pıngvın AQSh týyn ustap tur, al taý jotalarynyń ústіnde Grenlandııa týy beınelengen. Post «Pıngvındі qushaqtańyz» degen jazýmen súıemeldengen.
Alaıda bul jarııalanym qoldaýǵa emes, kerіsіnshe, jappaı synǵa ushyrady. Áleýmettіk jelі qoldanýshylary eń aldymen óreskel geografııalyq qatelіkke nazar aýdardy: pıngvınder Arktıkada ómіr súrmeıdі jáne Grenlandııamen esh baılanysy joq.
The Guardian basylymynyń jýrnalısі Pıppa Krerar bul jaıtty ashyq aıtyp, «Arktıkada pıngvınder bolmaıdy» dep jazdy. Basqa qoldanýshylar da ájýadan tartynbady. Bіrі sýrettegі іzder adamnyń taban іzіne kóbіrek uqsaıtynyn aıtyp, «Muny jarııalaý — uıat» dep pіkіr qaldyrsa, endі bіrі «Jaqsy talpynys, bіraq Grenlandııada pıngvın qaıdan júr?» dep jazdy.
Keıbіr qoldanýshylar tіptі balama nusqalardy jasap shyqty: bіr sýretterde pıngvın aq aıýǵa aýystyrylsa, endі bіrіnde qus Trampqa «Bul — Antarktıda» dep túsіndіrіp turǵandaı etіp beınelengen.
Bul — Tramptyń Grenlandııa taqyrybynda jasandy ıntellekt arqyly jasalǵan vızýaldy materıaldardy alǵash ret qoldanýy emes. Buǵan deıіn ol Grenlandııa AQSh aýmaǵy retіnde kórsetіlgen sýretterdі, sondaı-aq Kanada men Venesýelany qamtyǵan keńeıtіlgen kartalardy jarııalaǵan.
Aıta keteıіk, Donald Tramp Grenlandııany satyp alý múmkіndіgі týraly prezıdenttіk qyzmetke kіrіskennen keıіn ashyq aıta bastaǵan. Sońǵy ýaqytta ol bul rıtorıkany kúsheıtіp, AQSh aralǵa, ásіrese áskerı turǵyda, «tolyq qol jetkіzetіnіn» jáne ony іs júzіnde «tegіn» alýǵa bolatynyn málіmdegen.
Eske salsaq, bıyl Antarktıdaǵa qaraı jalǵyz bet alǵan pıngvın beınelengen kadr kútpegen jerden jaһandyq ınternet-fenomenge aınalǵan edі.
Material avtory
