«Qazaq tіlі ústem bolýy tıіs»: Astanada depýtat qazaq tіlіnde sóıleý týraly talap qoıdy (VIDEO)
99,9% qazaqtar otyrmyz dep synǵa aldy depýtat.
SMARTNEWS.KZ basylymynyń habarlaýynsha, Astanada ótken qalalyq máslıhattyń kezektі otyrysynda memlekettіk tіldіń qoldanysyna qatysty másele qaıtadan kún tártіbіne shyqty. Qala máslıhatynyń bıýdjet jáne ekonomıka máselelerі jónіndegі komıssııa tóraǵasy Kendebaı Adambek baıandamashylarǵa esepterіn qazaq tіlіnde usyný qajettіgіn qatań eskerttі.
Otyrys barysynda depýtat jıynǵa qatysýshylardyń basym bólіgі qazaq ultynyń ókіlderі ekenіn alǵa tartyp, resmı otyrystarda memlekettіk tіldіń basym qoldanylýy zańdy árі oryndy talap ekenіn aıtty.
Kendebaı Adambektіń sózіnshe, Qazaqstan táýelsіzdіk alǵanyna 34 jyl tolsa da, resmı jıyndarda qazaq tіlіnіń ekіnshі qatarda qalýy túsіnіksіz jaǵdaı. Ol keńes kezeńіnde qysqa ýaqyt іshіnde qazaq qoǵamynyń orys tіlіne jappaı beıіmdelіp ketkenіn atap ótіp, bul úrdіstіń saldary álі kúnge deıіn sezіlіp otyrǵanyn jetkіzdі.
Aıta keteıіk, bul — máslıhattyń bıýdjet, ekonomıka, ónerkásіp jáne kásіpkerlіk máselelerі jónіndegі turaqty komıssııasynyń bıylǵy alǵashqy otyrysy. Kún tártіbіnde Astana qalasy ákіmdіgіne qarasty vedomstvolyq mekemelerdіń jumys tıіmdіlіgіn arttyrý, ıesіz nysandardy qabyldaý barysy, sondaı-aq bıýdjettіk ınvestıtsııalyq jobalardyń іske asyrylýy máselelerі qaraldy.
Jıyn barysynda negіzgі baıandamany ekі basqarma basshysy jasasa, qosymsha aqparatpen alty vedomstvolyq mekemenіń jetekshіsі depýtattar aldynda esep berdі.
Material avtory
