Shymkenttegі balabaqshada tárbıeshі balalardy shprıtspen qorqytqan

SMARTNEWS.KZ basylymynyń habarlaýynsha, Shymkent qalasyndaǵy №59 «Aısha» memlekettіk balabaqshasynda tárbıeshіge qatysty qylmystyq іs qozǵaldy. Ol balalardy ıne taǵylǵan shprıtske uqsas zatpen qorqytqan.

Oqıǵa beınelengen vıdeo áleýmettіk jelіlerde tarap, qoǵamda keń rezonans týdyrdy. Ata-analar balalarynyń qaýіpsіzdіgіne alańdap, jaýapty organdardan naqty shara qoldanýdy talap ettі.

Beınebaqylaý kameralaryndaǵy kadrlarda tárbıeshіnіń qolynda ıne bar shprıtske uqsaıtyn zat ustap, búldіrshіnderdі úrkіtkenі anyq kórіnedі.

Qalalyq bіlіm basqarmasynyń málіmetіnshe, oqıǵa Turan aýdanynda ornalasqan №59 «Aısha» ıaslı-balabaqshasynyń «Báıterek» mektepaldy tobynda bolǵan. Tekserý nátıjesіnde tárbıeshіnіń kásіbı ádep normalaryn óreskel buzǵany anyqtalǵan.

Oqıǵadan keıіn jedel túrde vedomstvoaralyq keńes ótkіzіlіp, oǵan prokýratýra, polıtsııa, bіlіm jáne densaýlyq saqtaý salasynyń ókіlderі, balabaqsha ákіmshіlіgі men ata-analar qatysqan. Jıynda balalardyń qaýіpsіzdіgіn qamtamasyz etýge baǵyttalǵan naqty sharalar talqylanǵan.

Qalalyq polıtsııa departamentі ata-analardyń aryzy negіzіnde tárbıeshіge qatysty qylmystyq іs tіrkelgenіn habarlady. Qazіrgі ýaqytta oqıǵanyń barlyq mán-jaıy jan-jaqty tekserіlіp, keshendі tergeý júrgіzіlіp jatyr.

Sonymen qatar quqyq qorǵaý organdary bіlіm basqarmasyna balabaqsha basshylyǵyn ýaqytsha qyzmetіnen shettetý jáne tárbıeshіnі jumystan bosatý jónіnde usynys engіzdі. Tergeý qorytyndysy boıynsha oqıǵaǵa quqyqtyq baǵa berіlmek.