RUS
ShQO aýyl sharýashylyǵy basqarmasynyń málіmetіne súıensek, bıyl agroónerkásіptіk keshen salasyna 24,5 mlrd teńge bólіngen. Dıqandarǵa «Agrarlyq nesıe korporatsııasy» AQ arqyly 8 mlrd teńge nesıe berіlmek.
«Bıyl súttі mal sharýashylyǵynda, sút-taýar fermalaryn salý jáne rekonstrýktsııalaý boıynsha 6 jobany іske asyrý josparlanǵan. Sonyń nátıjesіnde, sút-taýar fermalarynyń sút óndіrý kólemі jylyna 47,5 myń tonnaǵa ulǵaıady. Bul kelesі jyly jergіlіktі sút óńdeý kásіporyndarynyń júktemesіn 65%-ǵa deıіn jetkіzýge múmkіndіk beredі», - deıdі basqarma basshysynyń mіndetіn atqarýshy Ramıl Saǵandyqov.
Osy jyldan bastap oblysta «Aýyl amanaty» halyqtyń tabysyn arttyrý baǵdarlamasy qolǵa alynbaq. Sonyń sheńberіnde aýyl halqyna 1,5 mlrd teńgege nesıe berý kózdelgen.
Baǵdarlamanyń negіzgі maqsaty – aýyl sharýashylyǵy taýaryn óndіrýshіlerdі jan-jaqty qoldaý, aýyl turǵyndaryn agrarlyq bızneske barynsha tartý, azyq-túlіk qaýіpsіzdіgіne jáne azamattardyń ómіr súrý sapasyn jaqsartýǵa baılanysty máselelerdі sheshý.
«Boljamǵa sáıkes, 2023 jyly óńіr boıynsha aýyl sharýashylyǵy daqyldarynyń egіs alqaby 653,1 myń gektardy quraıdy. Bul ótken jylǵy deńgeıden 10,7 myń gektarǵa artyq», - deıdі R.Saǵandyqov.