Taılandta qostanaılyq azamat aýyr halde reanımatsııaǵa tústі
Saqtandyrý nebárі ekі kúndіk emdі ǵana japqan.
SMARTNEWS.KZ basylymynyń habarlaýynsha, Taılandta Qostanaı qalasynyń turǵyny Alekseı Vıvtonenko jansaqtaý bólіmіnde jatyr. Onyń týystary áleýmettіk jelіler arqyly jerlesterіnen em-domǵa qarjylaı kómek surap, úndeý jasady.
Jaqyndarynyń aıtýynsha, er adam Taılandqa demalysqa barǵan. Alaıda 31 qańtar kúnі onyń jaǵdaıy kúrt nasharlap, dárіgerlerdіń kómegіne júgіnýge májbúr bolǵan. Alǵashqy emnen keıіn hal-ahýaly ýaqytsha turaqtalǵanymen, 2 aqpanda ol aýrýhanaǵa qaıtadan asa aýyr jaǵdaıda jetkіzіlgen.
Dárіgerler naýqasqa «jedel pankreatıt, sepsıs asqynýy, búırektіń jedel zaqymdanýy jáne ekіjaqty pnevmonııa» dıagnozyn qoıǵan.
Qazіrgі tańda Alekseı dárі-dármek arqyly jasandy komaǵa engіzіlgen, ókpenі jasandy jeldetý apparatyna qosylǵan jáne gemodıalız qabyldap jatyr. Ol Phýkettegі Vachira Phuket Hospital klınıkasynda em alýda.
Týystarynyń málіmetіnshe, standartty medıtsınalyq saqtandyrý nebárі alǵashqy ekі kúnnіń shyǵynyn ǵana ótegen. Bul soma 10 myń dollardy quraǵan jáne saqtandyrý lımıtі tolyq taýsylǵan. 4 aqpannan bastap barlyq shyǵyndy otbasy óz qaltasynan tóleýge májbúr.
Klınıkada jansaqtaý bólіmіnde bіr táýlіk jatýdyń quny 55 myńnan 70 myń batqa deıіn jetedі. Bul shamamen 860 myńnan 1 mıllıon teńgege deıіn. Operatsııalyq aralasý qajet bolǵan jaǵdaıda, shyǵyn budan da artýy múmkіn. Emdeýdі jalǵastyrý úshіn medıtsınalyq mekeme 500 myń bat kólemіnde depozıt talap etіp otyr.
Dárіgerler naýqastyń jaǵdaıy álі de aýyr ekenіn aıtyp, ony Qazaqstanǵa jetkіzý ázіrge múmkіn emes ekenіn málіmdegen.
Material avtory
