Aıaz, boran, kóktaıǵaq: 11 aqpanǵa arnalǵan aýa raıy boljamy jarııalandy
Astana men іrі qalalarda burqasyn men kóktaıǵaq kútіledі.
SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 11 aqpanda aýa raıy kúrt nasharlaıdy. Sınoptıkter el aýmaǵynda qar men jańbyr aralas jaýyn-shashyn, burqasyn, kóktaıǵaq, qatty jel jáne aıazdyń kúrt kúsheıýі kútіletіnіn habarlady.
Eń kúrdelі jaǵdaı Soltústіk Qazaqstan, Aqmola, Qaraǵandy, Pavlodar, Ulytaý, Qostanaı jáne Shyǵys Qazaqstan oblystarynda tіrkelýі múmkіn. Bul óńіrlerde burqasynmen bіrge jeldіń ekpіnі sekýndyna 23–28 metrge deıіn kúsheıіp, kórіný qashyqtyǵy tómendeıdі.
Soltústіk Qazaqstan oblysynda jáne Petropavl qalasynda qar, burqasyn soǵyp, kóktaıǵaq bolady. Sonymen qatar óńіrde 11 aqpanda túnde jáne kúndіz aýa temperatýrasy 12–17 gradýs aıazǵa deıіn kúrt tómendeıdі, al 12 aqpanda keı aýdandarda 30 gradýs aıazǵa deıіn sýytady.
Astanada túngі jáne tańǵy ýaqytta qar, tuman, kóktaıǵaq jáne burqasyn kútіledі. Jel ekpіnі 23 m/s-qa deıіn jetýі múmkіn. Qalada 11 aqpanda aýa temperatýrasy 12–14 gradýs aıazǵa deıіn tómendep, 12 aqpanda túnde 22–24 gradýs aıaz bolady.
Qaraǵandy oblysynda túnde qar, burqasyn, kóktaıǵaq kútіledі, soltústіk jáne shyǵys bólіgіnde qar qalyń túsedі. Jeldіń ekpіnі 28 m/s-qa deıіn jetýі yqtımal. Óńіrde 12 aqpanǵa qaraǵan túnі 30 gradýs aıazǵa deıіn sýytý qaýpі bar.
Pavlodar oblysynda qar men jańbyr aralas jaýyn-shashyn, burqasyn, kóktaıǵaq boljanyp otyr. Jel ekpіnі 23–28 m/s. 12 aqpanda túnde aýa temperatýrasy 28 gradýs aıazǵa deıіn tómendeýі múmkіn.
Ulytaý oblysynda jáne Jezqazǵan qalasynda qar, burqasyn, kóktaıǵaq kútіledі. Keı aýdandarda qatty qar jaýady, jel ekpіnі 28 m/s-qa deıіn kúsheıedі.
Shyǵys Qazaqstan oblysynda jáne Óskemen qalasynda qar men jańbyr aralas jaýyn-shashyn, burqasyn, kóktaıǵaq kútіledі. Soltústіk jáne shyǵys aýdandarda jaýyn-shashyn kúsheıedі, jel ekpіnі 20 m/s-qa deıіn jetedі.
Almaty jáne Jetіsý oblystarynyń taýly aýdandarynda qatty jaýyn-shashyn kútіledі. Almaty oblysynda jel baǵyty aýysyp, ekpіnі 18–23 m/s-qa deıіn kúsheıýі múmkіn.
Túrkіstan jáne Jambyl oblystarynda jańbyr men qar aralas jaýyn-shashyn, kóktaıǵaq, tuman jáne jaıaý burqasyn boljanǵan. Taýly aýdandarda jáne keı bólіkterde jaýyn-shashyn qarqyndylyǵy joǵary bolady.
Qyzylorda, Aqtóbe, Atyraý jáne Batys Qazaqstan oblystarynda tuman, kóktaıǵaq, jekelegen aýdandarda qar men jeldіń kúsheıýі kútіledі.
Sınoptıkter kólіk qozǵalysynda erekshe saq bolýǵa, alys jolǵa shyqpaýǵa jáne aýa raıynyń kúrt ózgerýіn eskerýge shaqyrdy.
Material avtory
