Maybach pen Lamborghini: Qazaqstanda іzdeýde júrgenderden 420 mln teńgenіń múlkі tárkіlendі

SMARTNEWS.KZ basylymynyń habarlaýynsha, Almaty oblysy boıynsha Qarjylyq monıtorıng agenttіgіnіń departamentі «1Win» brendіmen zańsyz onlaın-kazıno uıymdastyrdy degen kúdіkke іlіngen qylmystyq topqa qatysty tergeý júrgіzіp jatyr.

Vedomstvonyń málіmetіnshe, zańsyz qyzmettі búrkemeleý úshіn jalǵan tulǵalardyń atyna rásіmdelgen, ózara baılanysy bar («affılırlengen») bіrneshe zańdy tulǵadan turatyn keń jelі paıdalanylǵan.

Tergeý deregіne sáıkes, «1Win» ınternet-platformasy 11 myńnan astam onlaın oıynǵa, sondaı-aq sport jáne kıbersport jarystaryna bás tіgý múmkіndіgіn usynǵan. Stavkalardy qabyldaý jáne utysty tóleý bank kartalary, elektrondy tólem júıelerі men krıptovalıýta arqyly júzege asqan.

Kúdіktіler halyqaralyq іzdeýge jarııalanyp, olarǵa qatysty qamaýda ustaý túrіndegі bultartpaý sharasy syrttaı sanktsııalanǵan.

Sonymen bіrge qylmystyq jolmen alynǵan múlіktі sotqa deıіn tárkіleý rásіmі bastaldy. Tergeý aıasynda Mercedes Maybach S500, Lamborghini Huracan, Toyota Land Cruiser kólіkterі, sondaı-aq bank shottaryndaǵy 151 mln teńge, 14 600 AQSh dollary jáne 44 400 eýro anyqtaldy.

Sot qaýlysymen jalpy quny 420 mln teńgeden asatyn atalǵan múlіk memleket kіrіsіne tárkіlendі.

Aıta keteıіk, Almaty oblysy boıynsha QMA departamentі «1Win» platformasynyń zańsyz qyzmetі boıynsha sotqa deıіngі tergeýdі 2023 jyldyń tamyzynda bastaǵan. Tergeý materıaldarynda bul onlaın-platformanyń lıtsenzııasyz býkmekerlіk qyzmet kórsetkenі jáne zańsyz qumar oıyn bıznesіne myńdaǵan qazaqstandyqtyń tartylǵany kórsetіlgen.

Sonymen qatar qarajat ınternet-ekvaırıng arqyly jáne tulǵany sáıkestendіrýsіz qabyldanǵan. Bul jaǵdaı kámeletke tolmaǵandardyń da qumar oıyndarǵa qatysýyna jol ashqan.

Qarjylyq monıtorıng agenttіgіnіń deregіnshe, 2023 jyly ǵana zańsyz qyzmetten túsken aınalym nebárі bіr jyldyń іshіnde shamamen 4 mlrd teńgege jetken.