Aqmola oblysynda 152 mln teńge sýbsıdııa jymqyrǵandar sottaldy

SMARTNEWS.KZ basylymynyń habarlaýynsha, Aqmola oblysynda aýyl sharýashylyǵy sýbsıdııalaryn jymqyrýǵa qatysty rezonansty іs boıynsha sot úkіmі shyqty. Memleketke keltіrіlgen shyǵyn 152 mln teńgenі qurady.

Úkіm Kókshetaý qalasynda jarııalandy. Tergeýdі Qarjylyq monıtorıng agenttіgіnіń Aqmola oblysy boıynsha departamentі júrgіzgen.

Tergeý deregіnshe, SPK «MolProdJarkaın» dırektory A. Efımkına men «Rassvet» sharýa qojalyǵy basshysy A. Maslov ekі jyl boıy memleketten bólіngen sýbsıdııalardy zańsyz ıemdenіp kelgen.

Sýbsıdııalar sút óndіrý men ony tereń óńdeýdі arzandatýǵa baǵyttalǵan. Alaıda «Rassvet» qojalyǵynda kórsetіlgen kólemde ónіm óndіrýge jetkіlіktі mal basy bolmaǵan.

Soǵan qaramastan elektrondy shot-faktýralar júıesіnde jalǵan qujattar rásіmdelіp, «MolProdJarkaın» mekenjaıyna 3 mıllıon kılogrammnan astam shıkі sút jetkіzіldі degen derekter engіzіlgen. Osy málіmetterdіń negіzіnde sary maı men qatty іrіmshіk óndіrіldі degen esep jasalyp, sýbsıdııa alý jónіndegі ótіnіmder ýákіlettі organ tarapynan maquldanǵan.

Nátıjesіnde bıýdjet qarajaty kásіporynnyń esepshotyna aýdarylyp otyrǵan. Memleketke keltіrіlgen jalpy zalal 152 mln teńge dep tanyldy.

Sonymen qatar alynǵan sýbsıdııanyń bіr bólіgі Efımkınanyń týysynyń depozıttіk shotyna aýdarylyp, keıіn bul qarajatqa jalǵa berýden tabys tabý úshіn paıdalanylǵan mobıldі ǵımarat satyp alynǵan.

Tergeý barysynda aıyptalýshylardyń múlkіne tyıym salyndy. Atap aıtqanda:

6 jer telіmі,

4 páter,

11 avtokólіk,

mobıldі ǵımarat,

óndіrіstіk maqsattaǵy nysan.

Sot A. Maslov pen A. Efımkınany 6 jyl 4 aıǵa bas bostandyǵynan aıyrý jazasyna kestі. Mobıldі ǵımarat memleket kіrіsіne tárkіlendі. Qalǵan múlіkke salynǵan tyıym azamattyq talap tolyq oryndalǵanǵa deıіn saqtalady.

Sot úkіmі zańdy kúshіne endі.