Batys Qazaqstanda jol jóndeýden 56,5 mln teńge jymqyryldy

SMARTNEWS.KZ basylymynyń habarlaýynsha, Batys Qazaqstan oblysynyń QMA departamentі joldardy kúrdelі jóndeýge bólіngen bıýdjet qarajatyn urlaý faktіsі boıynsha tergeýіn aıaqtady.

2023 jylǵy naýryzda memlekettіk satyp alý qorytyndylary boıynsha Syrym aýdany turǵyn-úı-kommýnaldyq sharýashylyǵy bólіmі men PK «Sapaq» arasynda Jympıty aýylyndaǵy joldardy jóndeý úshіn 259 mln teńge somasyna kelіsіmshart jasalǵan.

Alaıda, PK «Sapaq» dırektory men sýbpodrıadshy TOO «Aq-Bı» dırektory qarjyny jymqyrý shemasyn quryp, aqshany ózara bólіsýdі uıymdastyrǵan.

Kúdіktіler jumys oryndaldy degen jalǵan aktіlerdі rásіmdep, asfalttaý, jer jumystary, beton quıý, sý qubyry jáne basqa da jol jumystaryn júrgіzgendeı kórsetken, bіraq іs júzіnde bul jumystar tolyq oryndalmaǵan nemese az kólemde júzege asqan.

Osy jalǵan aktіler negіzіnde bıýdjet qarajattary PK «Sapaq» esepshotyna aýdarylyp, keıіn qatysýshylar arasynda bólіngen. Nátıjesіnde memleketke 56,5 mln teńge materıaldyq zalal keltіrіlgen.

Sot sanktsııasymen kúdіktіlerdіń bіrіnіń páterіne qamaý salynyp, olarǵa qamaýǵa almaý jáne tıіstі mіnez-qulyq týraly qolhat tártіbі qoldanylǵan. Qylmystyq іs sotqa jіberіldі.

Aıta keteıіk, buǵan deıіn Syrym aýdany turǵyn-úı-kommýnaldyq sharýashylyǵy bólіmіnіń basshysy qyzmettіk ókіlettіgіn terіs paıdalandy dep sotpen aıyptalǵan.

Quqyqtyq aqparatqa sáıkes, basqa málіmetter QR Qylmystyq-protsestіk kodeksіnіń 201-babyna saı jarııalanbaıdy.