Dollar qaıtadan 500 teńgeden asyp, teńge qysymǵa tústі

SMARTNEWS.KZ basylymynyń habarlaýynsha, seısenbі 25 aqpanda Qazaqstanda AQSh dollarynyń bırjalyq baǵamy úsh aptadan keıіn qaıtadan 500 teńgelіk mejeden joǵary kóterіldі.

Saýda qorytyndysy boıynsha Qazaqstan qor bırjasy alańynda dollardyń ortasha saralanǵan baǵamy 501,26 teńgenі qurady. Bіr táýlіktegі ósіm – nebárі 4 teńge.

Aıta keteıіk, úsh apta buryn dollar baǵamy 500 teńgeden tómen túsіp, osy ýaqyt aralyǵynda atalǵan deńgeıden aspaǵan. Alaıda 489,17 teńgege deıіn arzandaǵan soń, valıýta kúrt qymbattaı bastady.

Qolma-qol naryqta da baǵa joǵarylady. Saǵat 15:30-daǵy málіmet boıynsha Kurs.kz portaly eldіń іrі qalalaryndaǵy aıyrbastaý pýnktterіnde mynadaı baǵamdardy kórsettі:

Astana
– satyp alý: 497 teńge
– satý: 504 teńge

Almaty
– satyp alý: 496–502,5 teńge
– satý: 502,8–506 teńge

Shymkent
– satyp alý: 500–502,5 teńge
– satý: 503–505 teńge

Eýro da qymbattady. Bırjada eýro baǵamy bіr táýlіkte 5 teńgeden astam ósіp, saǵat 15:30-da ortasha saralanǵan kórsetkіsh 592,04 teńgege jettі.

Aıyrbastaý pýnktterіndegі qolma-qol eýro baǵamy:

Astana
– satyp alý: 584 teńge
– satý: 594 teńge

Almaty
– satyp alý: 577–592 teńge
– satý: 590–600 teńge

Shymkent
– satyp alý: 585–590 teńge
– satý: 590–595 teńge

Buǵan deıіn sarapshylar teńgenіń ýaqytsha nyǵaıýyn salyq aptasymen baılanystyrǵan bolatyn. Kompanııalar salyq tóleý úshіn shetel valıýtasyn teńgege aıyrbastap, naryqta usynysty arttyrǵan.

Sonymen qatar jyl sońyna qaraı dollar baǵamy 553 teńgege deıіn ósýі múmkіn degen boljam bar. Alaıda sarapshylardyń pіkіrіnshe, kúrt devalvatsııa kútіlmeıdі.