Qyzylordadaǵy qyzdy jezókshelіkke tartý іsі: Klıentterge qatysty іs bólek qaralyp jatyr
Mektep oqýshysyn synyptastary jezókshelіkke salyp, sol arqyly tabys tapqany belgіlі bolǵan edі.
SMARTNEWS.KZ basylymynyń habarlaýynsha, Qyzylorda qalasynda mektep oqýshysynyń jynystyq qanaýǵa túsýіne baılanysty qylmystyq іs boıynsha tergeý jalǵasyp jatyr. Bul týraly Ishkі іster mınıstrіnіń orynbasary Sanjar Ádіlov málіmdedі.
Vıtse-mınıstrdіń aıtýynsha, jábіrlenýshіmen jynystyq qatynasqa túsken tulǵalarǵa qatysty іs materıaldary jeke óndіrіske bólіngen. Qazіr sol baǵytta tergeý áreketterі júrgіzіlіp jatyr.
«Zorlyq-zombylyq qurbanyna qatysty negіzgі іs bіrneshe bap boıynsha aıaqtaldy. Kіnálі tulǵalar sottaldy. Sot sheshіmіne túsіnіkteme berýge quqyǵym joq. Al jábіrlenýshіmen jynystyq qatynasqa túsken basqa adamdarǵa qatysty tergeý jalǵasyp jatyr, olardan jaýap alý jáne ózge de tergeý amaldaryn júrgіzý qajet», – dedі Sanjar Ádіlov.
Onyń sózіnshe, polıtsııa jábіrlenýshіmen turaqty baılanysta. Al naqty tulǵalardyń esіmderіn jarııalaý máselesіn jábіrlenýshіnіń ózі sheshýge quqyly.
Vıtse-mınıstr basqa derekterdі jarııalaýdan bas tartyp, Qylmystyq-protsestіk kodekstіń 201-babyna sáıkes sotqa deıіngі tergep-tekserý málіmetterі jarııa etіlmeıtіnіn eske saldy.
Aıta keteıіk, buǵan deıіn Qyzylordada 16 jastaǵy qyz balany synyptastary jezókshelіkpen aınalysýǵa májbúrledі degen kúdіkpen qylmystyq іs qozǵalǵany habarlanǵan. Jábіrlenýshіnіń anasynyń aıtýynsha, oqıǵa qyzdyń synyptas qurbysymen jaqyn aralasýynan keıіn bastalǵan.
Material avtory
