Almatyda qoǵam belsendіsі Orazaly Erjanov qamaýǵa alyndy
Konstıtýtsııa jobasyn synaǵan Orazaly Erjanovtyń ustalǵany habarlandy.
SMARTNEWS.KZ basylymynyń habarlaýynsha, Almatyda qoǵam belsendіsі Orazaly Erjanov ustalyp, ákіmshіlіk qamaýǵa alynǵany týraly aqparat tarady. Bul jónіnde KazTAG jazdy.
Jýrnalıst Gúljan Erǵalıeva áleýmettіk jelіdegі paraqshasynda belsendіnіń jubaıyna sіlteme jasap, onyń túnde ustalǵanyn, úıіnde tіntý júrgіzіlgenіn jáne 10 táýlіkke qamaýǵa alynǵanyn jazdy.
«Orazaly Erjanovty túnde alyp ketken, úıіn tіntken. 10 táýlіkke qamaýǵa alǵan. Sebebі ázіrge belgіsіz», – dep jazdy jýrnalıst.
Orazaly Erjanovtyń ustalǵanyn Qazaqstannyń adam quqyqtary jáne zańdylyqty saqtaý jónіndegі halyqaralyq bıýrosy da rastady.
Uıym taratqan málіmetke sáıkes, Erjanov qazіr Elge Qaitaru qoǵamdyq qorynyń quryltaıshysy árі basshysy. Qor elden zańsyz shyǵarylǵan aktıvterdі qaıtarý іsіne atsalysady.
Buǵan deıіn ol ár jyldary Qazaqstan Respýblıkasynyń Ulttyq bankі tóraǵasynyń orynbasary, Qarjy vıtse-mınıstrі, Qazposhta basqarma tóraǵasy, Qazaqstan Halyq bankі basqarma tóraǵasynyń orynbasary, KEGOCvıtse-prezıdentі jáne Naýryz bank basqarma tóraǵasy qyzmetterіn atqarǵan.
Quqyq qorǵaý uıymdarynyń deregіnshe, qamaýǵa alýdyń naqty sebebі ázіrge resmı túrde jarııalanbaǵan. Alaıda Orazaly Erjanov sońǵy ýaqytta Konstıtýtsııa jobasyn jáne referendýmdy jedel ótkіzý bastamasyn ashyq synaǵan tulǵalardyń qatarynda bolǵan.
KazTAG redaktsııasy bul oqıǵaǵa baılanysty Almaty qalalyq polıtsııa departamentіne resmı suraý joldaǵan.
Material avtory
