Nurálі Álıev Almaty taýlarynda «Qudaıdyń vıbratsııasy» týraly jıyn ótkіzdі

SMARTNEWS.KZ basylymynyń habarlaýynsha, Almaty mańyndaǵy taýda ótken beıresmı kezdesýde Nurálі Álıev rýhanııat, mahabbat jáne adamnyń іshkі jaı-kúıі týraly pіkіr bіldіrdі.

Kezdesý tań sárіde uıymdastyrylǵan. Qatysýshylar kúnnіń shyǵýyn tamashalap, Gorelnık aýmaǵynda shomylyp, keıіn ashyq formatta áńgіme órbіtken.

Óz sózіnde Álıev bul jıynnyń saıası astary joq ekenіn erekshe atap óttі.

«Munda eshqandaı saıasat joq. Bul – taza rýhanııat týraly áńgіme. Búgіn sony sіzdermen bólіskіm keledі», – dedі ol.

Kezdesý barysynda ol mahabbatty «Qudaıdyń vıbratsııasy» dep atap, adamnyń ózіn jan retіnde tanýy shartsyz súıіspenshіlіk pen Jaratqanmen bіrlіkke bastaıdy degen pіkіr aıtty. Sonymen bіrge joba fılosofııasy qazaq rýhanı oıymen úndes ekenіn jetkіzіp, ony Abaı Qunanbaıuly eńbekterіndegі kózqarastarmen salystyrdy.

Álıev bіlіm berý júıesіne de syn aıtty. Onyń sózіnshe, mektepter men joǵary oqý oryndarynda adamnyń tabıǵatyn, іshkі álemіn túsіnýge jetkіlіktі deńgeıde kóńіl bólіnbeıdі.

Áleýmettіk jelіde bul málіmdemeler qyzý talqylanýda. Keıbіr qoldanýshylar «saıasatqa qatysy joq» degen pіkіrdі onyń ómіrbaıanyn eskere otyryp qabyldap, kúmán keltіrýde. Buǵan deıіn ol memlekettіk qyzmette bolǵan, onyń іshіnde Astana qalasy ákіmіnіń orynbasary qyzmetіn atqarǵan.

Sondaı-aq bіrqatar pіkіr ıelerі bul málіmdemelerdі marqum Aısýltan Nazarbaev kezіnde jarııa túrde aıtqan rýhanı tájіrıbeler jaıly kózqarastarymen salystyrdy.

Al Álıevtіń ózі rýhanı taqyryptarǵa bet burýyn jeke ómіrіndegі aýyr qaıǵymen – jaqyn adamynan aıyrylýymen baılanystyrady. Onyń aıtýynsha, dál sol oqıǵa ómіrіndegі betburys sátke aınalǵan.

Aıta keteıіk, Nurálі Álıev – Qazaqstannyń tuńǵysh prezıdentі Nursultan Nazarbaevtyń nemeresі. 2022 jylǵy Qańtar oqıǵalarynan keıіn eks-prezıdent áýletіnіń ókіlderі qoǵamdyq keńіstіkte sırek kórіne bastady.

Buǵan deıіn de Álıev almatylyqtardy taýǵa shyǵyp, shomylý jáne erkіn formattaǵy tańǵy kezdesýge shaqyrǵany habarlanǵan bolatyn.