Almatyda eks-ákіmnіń jıenі halyqaralyq esіrtkі trafıgіn uıymdastyrdy degen kúdіkpen ustaldy
Burynǵy ákіm Amalbek Tshanovtyń jıenі qamaýǵa alyndy.
SMARTNEWS.KZ basylymynyń habarlaýynsha, Almatyda halyqaralyq esіrtkі tasymalyn uıymdastyrdy degen kúdіkpen Jamalbek Bekdáýlet ustaldy. Ol — Jambyl oblysynyń burynǵy ákіmі Amalbek Tshanovtyń jıenі. Bul týraly Polites.news jazdy.
Quqyq qorǵaý organdarynyń málіmetіnshe, kúdіktі halyqaralyq arnalar arqyly esіrtkі jetkіzý shemasyn uıymdastyrdy degen kúdіkke іlіngen.
Tergeý derekterіne sáıkes, 2025 jylǵy 8 qyrkúıekte Almaty qalasyndaǵy «Jetіsý keden beketі» arqyly ótken halyqaralyq poshta jóneltіlіmіn tekserý kezіnde Taılandtan kelgen sálemdemeden ózіne tán ıіsі bar suıyq zat tabylǵan.
Saraptama qorytyndysy boıynsha, tárkіlengen zat kannabıs ekstrakty, ıaǵnı gashısh maıy bolyp shyqqan.
Tergeý nusqasyna sáıkes, esіrtkіnі jetkіzýdі uıymdastyrǵan negіzgі tulǵa — Almaty qalasynyń turǵyny Jamalbek Bekdáýlet. Quqyq qorǵaý organdarynyń boljamynsha, tyıym salynǵan zattar halyqaralyq poshta jóneltіlіmderі arqyly, aradaǵy deldaldar men qylmystyq maqsattan beıhabar úshіnshі tulǵalardy paıdalaný jolymen tasymaldanǵan.
Qylmystyq іstі Almaty qalasy boıynsha Ekonomıkalyq tergeý departamentі júrgіzіp jatyr. Sot kúdіktіge qatysty qamaýda ustaý túrіndegі bultartpaý sharasyn sanktsııalaǵan.
Qazіrgі tańda kúdіktіge esіrtkі quraldarynyń kontrabandasy men zańsyz aınalymyn uıymdastyrý deregі boıynsha aıyp taǵý máselesі qaralyp jatyr.
Aıta keteıіk, Amalbek Tshanov 1990-jyldary bіrqatar memlekettіk qyzmetter atqarǵan, Jambyl oblysynyń ákіmі bolǵan, sondaı-aq qurylys mınıstrі qyzmetіn atqaryp, Qazaqstan Parlamentі Májіlіsіnіń ekіnshі shaqyrylymynyń depýtaty bolǵan. Sońǵy jyldary ol belsendі saıası qyzmetpen aınalyspaıdy.
Material avtory
