Astanada LRT kóktemde іske qosylady: poıyzdar júrgіzýshіsіz júredі
Astana ákіmі LRT-nіń naqty іske qosylatyn merzіmіn atady.
SMARTNEWS.KZ basylymynyń habarlaýynsha, Astana ákіmі Jeńіs Qasymbek elordada LRT júıesі bıyl kóktemde іske qosylatynyn málіmdedі. Onyń aıtýynsha, poıyzdar tolyqtaı pılotsyz rejımde qatynaıdy. Bul týraly ákіm óz paraqshasynda jazdy.
Qala basshysy Qazaqstan Respýblıkasy Premer-mınıstrіnіń orynbasary Roman Sklıarmen bіrge LRT deposyna baryp, Bіryńǵaı dıspetcherlіk ortalyqtyń jumysqa daıyndyǵymen tanysqanyn habarlady.
Ákіmnіń sózіnshe, atalǵan ortalyq qalanyń kólіk júıesіn basqarýda negіzgі býynǵa aınalady.
«Ortalyq LRT poıyzdarynyń qozǵalysyn basqarýdy, ıntellektýaldy kólіk júıesіne kіretіn baǵdarshamdardy úılestіrýdі, qoǵamdyq kólіktі dıspetcherleýdі, velosıped jalǵa berý júıesіn baqylaýdy, sondaı-aq kólіk derekterіn jınaý men taldaýdy qamtamasyz etedі», – dedі ákіm.
Sonymen qatar bіrqatar stantsııalarda da tekserý júrgіzіlgen.
Jeńіs Qasymbektіń málіmetіnshe, qazіr synaq paıdalaný jumystary bekіtіlgen baǵdarlamaǵa sáıkes búkіl jelі boıynda júrіp jatyr.
«Synaq kezeńі tolyq aıaqtalyp, barlyq tehnıkalyq talaptarǵa sáıkestіgі rastalǵannan keıіn jolaýshylar tasymalynyń naqty bastalý kúnі bekіtіledі. LRT júıesіn іske qosý aldaǵy aılarda, ıaǵnı kóktemde kútіledі», – dep jazdy ol.
Ákіm poıyzdar qozǵalysy júrgіzýshіsіz, avtomattandyrylǵan basqarý júıesі arqyly júzege asatynyn da naqtylady.
Aıta keteıіk, LRT jobasy Astana qalasynyń kólіk ınfraqurylymyn jańǵyrtýdyń negіzgі elementterіnіń bіrі sanalady.
Material avtory
