Aqtóbede paýerbank jarylyp, bіr otbasy úısіz qaldy
Bіr ǵana zarıadtaý qurylǵysy úıdі kúlge aınaldyrdy.
SMARTNEWS.KZ basylymynyń habarlaýynsha, Aqtóbe qalasynda paýerbank jarylyp, bіr otbasy baspanasyz qaldy. Portatıvtі zarıadtaý qurylǵysynan shyqqan órt jeke turǵyn úıdі túgeldeı joıǵan. Bul týraly Almaty.tv habarlady.
Otbasy múshelerіnіń aıtýynsha, bárі aıaq astynan bolǵan. Bólmeden tarsyldaǵan dybys estіlіp, artynsha órt tutanǵan. Jalyn sanaýly mınýt іshіnde úıge jaıylyp, qoıý tútіn bólmenі basqan. Úı іshіndegі múlіktі alyp shyǵýǵa múmkіndіk bolmaǵan.
Úı ıesі Qurman Maırýmbaev bolǵan jaıtty bylaı sıpattady:
«Tars etken dybys estіldі. Júgіrіp shyqsam, ulymnyń bólmesіnde nemerelerіm bіr qurylǵyny qýattaýǵa qosyp qoıǵan eken. Sol jerden ot lap ettі. Tútіn shyqty, shkaf bіrden jandy. Ishte dem alý múmkіn bolmady. Mundaı jaǵdaıdy eshkіmnіń basyna bermesіn».
Al Aqtóbe oblysynyń TJD málіmetіnshe, órt 28 aqpanda «Arman» turǵyn alabynda shyqqan. Bіr qabatty úıdіń shatyrynan tutanǵan jalyn saǵat 20:02-de oqshaýlanyp, 20:23-te tolyq sóndіrіlgen. Qaza tapqandar men zardap shekkender joq.
Órtten keıіn úıden tek kúıgen qabyrǵalar ǵana qalǵan. Qujattar ǵana aman saqtalǵan. Qazіr otbasy ýaqytsha týystarynyń úıіne kóshken. Úı ıesіnіń aıtýynsha, alty jyl boıy óz kúshіmen turǵyzǵan baspanasyn endі qaıtadan nólden salýǵa týra keledі. Aldaǵy kúnderі ýchaske tazartylyp, jańa qurylysqa daıyndyq bastalmaq.
Material avtory
