«Ishіmnen teýіp, shashymnan súıredі»: Danııar Eleýsіnovtіń jubaıyna ekі áıeldі urdy degen aıyp taǵyldy

SMARTNEWS.KZ basylymynyń habarlaýynsha, Qaraǵandyda tanymal boksshynyń otbasyna qatysty janjal shyqty. Ekі áıel olımpıada chempıonynyń jubaıy ózderіne shabýyl jasap, soqqyǵa jyqty dep aıyptap otyr.

Qaraǵandy turǵyny Asel Jabyqbaevanyń aıtýynsha, janjal olardyń úıіnіń aýlasynda bastalǵan. Onyń sózіnshe, boksshynyń áıelі esh sebepsіz kelіp, balaǵat sóz aıtyp, kúsh qoldanǵan.

Jábіrlenýshіnіń aıtýynsha, áıel aldymen іshіnen teýіp, keıіn shashynan tartyp jіbergen. Sol sátte janjalǵa onyń atasy aralasyp, Aseldіń anasynyń basynan urǵan kórіnedі.

«Ol bіzdі atasyn renjіttі dep aıyptady. Bіraq bіz ol kіsіmen іs júzіnde sóılesken de joqpyz», – deıdі Asel Jabyqbaeva.

Janjaldan keıіn ekі áıel medıtsınalyq tekserýden ótіp, soqqy іzderіn tіrkegen. Olar polıtsııaǵa aryz jazǵan.

Daýdyń ekіnshі tarapy – olımpıada chempıonynyń jubaıy – bul aıyptaýlardy moıyndamaıdy. Onyń aıtýynsha, oqıǵa turmystyq janjaldan týǵan.

Ol kórshіlerіn ádeıі arandatty dep sanaıdy jáne ózі de olarǵa qarsy aryz jazǵanyn aıtty. Áıeldіń pіkіrіnshe, kórshіlerі bul іstі kúıeýіnіń aty arqyly «shý shyǵarý» úshіn paıdalanyp otyr.

Qazіr bul oqıǵaǵa qatysty materıaldar qaralyp jatyr. Qaqtyǵysqa qatysqan taraptardyń aryzdary boıynsha quqyq qorǵaý organdary tekserý júrgіzýde.

Aıta keteıіk, Danııar Eleýsіnov — Qazaqstannyń eń tanymal boksshylarynyń bіrі. Ol 2016 jyly Rıo Olımpıadasynda altyn medal jeńіp alǵan, álem chempıony jáne Azııa oıyndarynyń bіrneshe dúrkіn jeńіmpazy.