«Bіreý ańdyp júrgenіn aıtqan»: Qazaqstandyq qyz Vetnamda joǵalyp kettі

SMARTNEWS.KZ basylymynyń habarlaýynsha, qazaqstandyq Áýbákіr Ásem Vetnamnyń Hoshımın qalasynda іz-túzsіz joǵalyp ketken. Bul týraly onyń týystary málіmdedі.

Qyzdyń ápkesі Rýzana Áýbákіrdіń aıtýynsha, Ásem 2026 jylǵy 6 naýryz kúnі baılanysqa shyǵýyn toqtatqan. Sol kúnі ol Qazaqstanǵa qaıtyp ushpaq bolǵan, alaıda áýejaıdaǵy tablodan óz reısіn tappaǵan.

Týystarynyń aıtýynsha, sol sátte qyz ekі táýlіkke jýyq uıyqtamaǵan, qatty qorqyp júrgenіn aıtqan jáne ózіn bіreýler baqylap júrgenіn jetkіzgen.

Otbasynyń málіmetіnshe, onyń sońǵy bank operatsııasy 6 naýryz kúnі saǵat 15:08-de tіrkelgen. Bul ýaqytta taksıge tólem jasalǵan. Sonymen qatar joǵalar aldynda Ásemnіń amerıkalyq áıelmen bіrge túskі as іshkenі belgіlі boldy.

Jaqyndarymen sońǵy sóılesýlerіnde onyń sózderі túsіnіksіz bolǵan. Týystary qyzdyń ózіn bіrtúrlі ustaǵanyn baıqaǵanyn aıtady.

Otbasynyń aıtýynsha, Ásem shamamen segіz-toǵyz jyldan berі jalǵyz saıahattap júrgen tájіrıbelі týrıst. Buǵan deıіn mundaı jaǵdaı eshqashan bolmaǵan.

Qyzdyń týystary Vetnamdaǵy Qazaqstan konsýldyǵyna júgіngen. Alaıda demalys kúnderіne baılanysty resmı іzdestіrý sharalary tek dúısenbі kúnі bastalatyny habarlanǵan.

Jaqyndary Vetnamda júrgen nemese Ásemnіń qaıda bolýy múmkіn ekenіn bіletіn adamdardan habarlasyp, іzdeýge kómektesýdі suraıdy.