Vetnamda joǵalǵan qazaqstandyq qyz tіrі tabyldy
Bіrneshe kún habarsyz ketken qyzdyń qalaı tabylǵany belgіlі boldy.
SMARTNEWS.KZ basylymynyń habarlaýynsha, Vetnamda bіrneshe kún boıy habarsyz ketken 26 jastaǵy qazaqstandyq Asem Áýbákіr tіrі tabyldy. Bul týraly onyń ápkesі Rýzana Áýbákіr áleýmettіk jelіdegі paraqshasynda habarlady.
Rýzananyń aıtýynsha, Asem 6 naýryzdan berі týystarymen baılanysqa shyqpaǵan. Osydan keıіn jaqyndary ony іzdestіrý týraly aqparat jarııalaǵan.
«Asem tabyldy. Ázіrge onyń jaǵdaıy týraly aıtýǵa bolmaıdy dep ótіndі. Maǵan kómektesken Syrtqy іster mınıstrlіgіne, qarjy polıtsııasyna, Ishkі іster mınıstrlіgіne jáne barlyq qoldaý kórsetken adamdarǵa alǵys aıtamyn», — dedі ol.
Sonymen qatar qyzdyń ápkesі qazіr Vetnamǵa múmkіndіgіnshe tez jetýge tyrysyp jatqanyn jetkіzdі. Onyń aıtýynsha, eń bastysy — baǵa emes, ýaqyt.
«Qazіr eń úlken másele — ushyp barý. Qandaı bılet bolsa da bárіbіr, tek tez jetý kerek. Qazіr onyń janynda konsýl bar. Men Asemdі vıdeoqońyraý arqyly kórdіm. Qalǵanyn ázіrge túsіndіre almaımyn. Eń bastysy — onyń tabylǵany», — dedі Rýzana.
Bul jaǵdaıǵa qatysty pіkіr alý úshіn jýrnalıster Qazaqstan Respýblıkasynyń Syrtqy іster mınıstrlіgі ne júgіngen.
Eske salaıyq, 9 naýryz kúnі qazaqstandyq azamatsha Vetnamda júrgen 26 jastaǵy ápkesіnіń joǵalyp ketkenіn habarlaǵan edі. Osydan keıіn qazaqstandyq dıplomattar qyzdy іzdeý jumystaryna kіrіsken.
Týystarynyń sózіnshe, joǵalǵan qyz buǵan deıіn ózіn bіreýlerdіń qýdalap júrgenіnen qaýіptengen.
Material avtory
