Jambyl oblysynda erlі-zaıypty alaıaqtar 51 mln teńge jymqyrǵan
WhatsApp arqyly halyqty aldaǵan jup sottaldy.
SMARTNEWS.KZ basylymynyń habarlaýynsha, Baızaq aýdandyq soty 17 aqpan 2026 jyly WhatsApp arqyly alaıaqtyq jasaǵan erlі-zaıyptylarǵa úkіm shyǵardy. Sotqa deıіngі tergeý boıynsha, 112 qazaqstandyq zardap shekken, jalpy shyǵyn – 51 288 146 teńge.
Tergeý málіmetterі boıynsha, 2024 jyldyń jeltoqsanynan bastap erlі-zaıyptylar ydys-aıaq jáne turmystyq taýarlardy tómen baǵaǵa satatynyn habarlap, alǵashqy klıentterge tapsyrysty jetkіzіp, senіm qalyptastyrǵan. Keıіnіrek, basqa azamattardan aqshany alǵan soń, taýarlardy bermeı, qarajatty óz maqsattaryna jumsaǵan.
Sot barysynda kúdіktіler kіnálaryn tolyq moıyndap, ókіngenderіn bіldіrdі. Baızaq aýdandyq soty olardy mynadaı jazaǵa kestі:
er – 2 jyl 8 aıǵa bas bostandyǵynan aıyrý;
áıelі – 2 jyl 4 aıǵa bas bostandyǵynan aıyrý.
Jambyl oblysy prokýratýrasy azamattarǵa messendjerler men áleýmettіk jelіler arqyly taýar satyp alǵanda saq bolýdy, tómen baǵadaǵy usynystarǵa senbesten, kepіldіk pen qujatty talap etýdі, alaıaqtyq deregі anyqtalǵan jaǵdaıda dereý quqyq qorǵaý organdaryna habarlaýdy eskertedі.
Material avtory
