RUS
Bul týraly Indýstrııa jáne ınfraqurylymdyq damý mınıstrlіgіnіń Qurylys jáne turǵyn úı-kommýnaldyq sharýashylyǵy іsterі komıtetі tóraǵasynyń orynbasary Ázіmbek Pazylbekuly aıtty.
«Densaýlyq saqtaý mınıstrlіgіnіń aqparatyna sáıkes, 2022 jyly respýblıka boıynsha sanıtarlyq-hımııalyq kórsetkіshterge 26 670 synama zertteldі, onyń 1 028 nemese 3,9%-y normatıvtіk talaptarǵa sáıkes kelmedі. Mıkrobıologııalyq kórsetkіshterge 28 764 synama zerttelse, 1 007 nemese 3%-y sanıtarlyq talaptarǵa sáıkes kelmeıdі», - dedі spıker ortalyq kommýnıkatsııalar qyzmetіnde ótken brıfıngіde.
Jetkіzіletіn sý sapasynyń tómendіgіnіń bіr sebebі – sý qubyry júıesіnіń tozýy. Jergіlіktі atqarýshy organdardyń málіmetіnshe, eldegі sý qubyry jelіlerіnіń jalpy uzyndyǵy 98 myń shaqyrym bolsa, onyń tozý deńgeıі – 43%.
«Osyǵan baılanysty, turǵyndarǵa jaıly ómіr jaǵdaılaryn jasaý maqsatynda jańa jelіlerdі salýdan basqa, tozǵan jelіlerdі qaıta qurý jáne jańǵyrtý jumystary júrgіzіlіp jatyr. Ótken jyly respýblıkalyq bıýdjet qarajaty esebіnen 1,8 myń shaqyrymy qaıta jańartyldy», - dedі Á. Pazylbekuly.