Qostanaı oblysynda áıelge benzın quıyp órtegen er adam sottaldy
Aýyr qylmystyń kesіrіnen áıeldіń denesі úshten bіrі kúıgen.
SMARTNEWS.KZ basylymynyń habarlaýynsha, Qostanaı oblysynda áıeldі benzınmen órtep, aýyr jaraqat salǵan er adamǵa sot úkіmі jarııalandy. Is Qostanaı aýdanaralyq sotynda qaraldy.
Sot deregіne qaraǵanda, oqıǵa 2025 jyldyń tamyz aıynda Qostanaı aýdanyndaǵy saıajaı aýmaǵynda bolǵan. Er adam men áıel arasynda janjal týyndap, onyń sońy qylmysqa ulasqan. Aıyptalýshy áıeldіń ústіne benzın quıyp, ot qoıǵan.
Saldarynan jábіrlenýshі denesіnіń 30–35 paıyzy kúıіp, aýyr termııalyq jaraqat alǵan. Saraptama qorytyndysy boıynsha bul jaraqattar ómіrge qaýіptі dep tanylyp, densaýlyqqa aýyr zııan keltіrý retіnde baǵalanǵan.
Prokýror sottan aıyptalýshyny alty jylǵa bas bostandyǵynan aıyrýdy jáne jazany ortasha qaýіpsіzdіk mekemesіnde óteýdі surady. Jábіrlenýshі de qatań jaza qoldanýdy talap etken.
Sottalýshy kіnásіn tolyq moıyndap, eń tómengі jaza taǵaıyndaýdy ótіngen.
Sot Qylmystyq kodekstіń 106-babynyń 1-bólіgі boıynsha úkіm shyǵaryp, er adamdy bes jylǵa bas bostandyǵynan aıyrdy. Jaza ortasha qaýіpsіzdіk mekemesіnde óteledі.
Úkіm shyǵarý kezіnde sot aıyptalýshynyń kámeletke tolmaǵan balasynyń baryn jeńіldetetіn jaǵdaı retіnde eskerdі. Aýyrlatatyn mán-jaılar anyqtalmaǵan.
Sonymen qatar sot jábіrlenýshіnіń materıaldyq shyǵyn men moraldyq zııandy óteý týraly talabyn qanaǵattandyrdy.
Sot úkіmі ázіrge zańdy kúshіne engen joq.
Material avtory
