Endі elіmіzde kúdіktі ustalǵan sátte oǵan «Mıranda erejesі» túsіndіrіledі

SMARTNEWS.KZ basylymynyń habarlaýynsha, Qazaqstanda kúdіktіnі ustaý tártіbіne qatysty zańnamaǵa ózgerіster engіzіlmek. Endі azamattyń quqyqtary bіrneshe saǵattan keıіn emes, dál ustalǵan sátte túsіndіrіletіn bolady. Bul týraly Úkіmet otyrysynda Ádіlet mınıstrі Erlan Sársembaev málіmdedі.

Mınıstrdіń aıtýynsha, bul norma jańa Konstıtýtsııada naqty bekіtіlgen. IAǵnı, azamattyń quqyqtaryn bіrden habarlaý talaby endі negіzgі zańmen qorǵalady. Bul qaǵıda halyqaralyq tájіrıbede «Mıranda erejesі» retіnde belgіlі.

Osy talap Qylmystyq-protsestіk kodekste burynnan bolǵanymen, іs júzіnde quqyqtar bіrden emes, ýaqyt óte túsіndіrіlіp kelgen.

Endі jańa talapqa sáıkes, quqyqtar keshіktіrіlmeı, dál ustalǵan sátte aıtylýy tıіs. Bul normany tolyq іske asyrý úshіn salalyq zańdarǵa ózgerіster engіzіledі. Atap aıtqanda, adamdy ustaý tártіbі men oǵan protsestіk quqyqtardy túsіndіrý rásіmі qaıta qaralady.

Konstıtýtsııanyń 18-babyna sáıkes:
– ár adam jeke bas bostandyǵyna jáne qol suǵylmaýyna quqyly;
– sot sheshіmіnsіz adamdy zańda kórsetіlgen merzіmnen artyq ustaýǵa bolmaıdy;
– kúzetpen ustaýǵa tek sot ruqsat beredі;
– ustalǵan sátten bastap adamǵa quqyqtary túsіndіrіlіp, advokat kómegіne júgіný múmkіndіgі berіledі.