Alaıaqtyq pen para: Óskemennіń burynǵy ákіmі sotta kіnásіn moıyndady

SMARTNEWS.KZ basylymynyń habarlaýynsha, Óskemen qalalyq qylmystyq іster jónіndegі aýdanaralyq sotynda burynǵy qala ákіmі, keıіn Shyǵys Qazaqstan oblysy ákіmіnіń bіrіnshі orynbasary qyzmetіn atqarǵan Jaqsylyq Omarǵa qatysty іs qaraldy.

Aıyptalýshyǵa ekі bap boıynsha — «alaıaqtyq» jáne «іrі kólemde para alý» — aıyp taǵylǵan.

Prokýratýra sotta ekі epızodty jarııa ettі. Bіrіnshі jaǵdaı Omardyń qala ákіmі bolǵan kezeńіne qatysty. Tergeý nusqasyna sáıkes, jábіrlenýshіge kásіporyndardyń bіrіnen materıaldyq kómek retіnde avtokólіk alý úshіn ótіnіsh rásіmdeý usynylǵan. Ol bul ótіnіshtі oryndap, 2021 jylǵy Toyota Camry 75 alǵan. Keıіn kólіktі ákіmdіkke aparyp tapsyrǵanyn aıtqanymen, odan keıіngі taǵdyry belgіsіz bolǵan. Tergeý deregіnshe, kólіk úshіnshі tulǵaǵa rásіmdelіp, trade-in arqyly jańasyna aýystyrylǵan jáne ony aıyptalýshy paıdalanǵan. Osy epızod boıynsha keltіrіlgen shyǵyn kólemі 13 mln teńge dep baǵalanǵan. Alaıda sotta jábіrlenýshі shyǵyn ótelgenіn aıtyp, talap qoımaıtynyn málіmdedі.

Ekіnshі epızod bıyl aqpan aıynyń basynda bolǵan. Aıyptaý tarabynyń málіmetіnshe, Jaqsylyq Omar qala ákіmdіgі qyzmetkerlerіnіń bіrіnen 20 mln teńge suraǵan. Aıyptalýshy bul árekettі talap emes, «ótіnіsh» dep túsіndіrgenіmen, tergeý ony qyzmettіk qamqorlyq úshіn para alý retіnde baǵalaǵan.

Atalǵan qyzmetker zańsyzdyqty túsіnіp, Ulttyq qaýіpsіzdіk komıtetіne júgіngen. Arnaıy baqylaý barysynda ol kúdіktіmen qaıta kezdesіp, somany bólіp tóleýdі usynǵan. Nátıjesіnde úshіnshі tulǵa arqyly 6 mln teńge berіlgen. Keıіn kúdіktіnі ustaý kezіnde onyń turǵylyqty jerі men jumys ornynan 5,6 mln teńge tabylǵan.

Sotta aıyptalýshy kіnásіn tolyq moıyndady. Qorǵaýshylar bas bostandyǵynan aıyrmaıtyn jaza qoldanýdy surady. Olardyń aıtýynsha, týystary aıyppul tóleýge jetkіlіktі qarjy jınaǵan. Buǵan dálel retіnde 112 mln teńge kólemіndegі esepshot úzіndіsі usynylǵan.

Is boıynsha kelesі sot otyrysy 26 naýryzǵa belgіlendі.