Dosaev prezıdent ákіmshіlіgіndegі qyzmetіnen kettі
Toqaev kadrlyq ózgerіs jasady.
SMARTNEWS.KZ basylymynyń habarlaýynsha, Prezıdent Qasym-Jomart Toqaev kadrlyq ózgerіster týraly jarlyqqa qol qoıdy. Soǵan sáıkes Erbolat Dosaev prezıdent ákіmshіlіgі basshysynyń orynbasary qyzmetіnen bosatyldy.
Aqorda taratqan resmı aqparatta bul sheshіm naqty kórsetіlgenіmen, qyzmetten ketý sebepterі jarııalanǵan joq. Dosaev bul laýazymǵa 2025 jyldyń qyrkúıegіnde taǵaıyndalǵan edі. Oǵan deıіn, sol jyldyń mamyrynda Almaty ákіmі qyzmetіnen ketken bolatyn.
Erbolat Dosaevtyń memlekettіk qyzmettegі tájіrıbesі aýqymdy. Ol ár jyldary premer-mınıstrdіń keńesshіsі, energetıka, ındýstrııa jáne saýda vıtse-mınıstrі, qarjy vıtse-mınıstrі qyzmetterіn atqarǵan. Sonymen qatar Qazaqstan Damý Bankі dırektorlar keńesіnіń tóraǵasy, tabıǵı monopolııalardy retteý agenttіgіnіń basshysy boldy.
2003 jyly Qarjy mınıstrі bolyp taǵaıyndalyp, keıіn Densaýlyq saqtaý mınıstrі qyzmetіn de basqardy.
Sońǵy sheshіm eldegі saıası-ákіmshіlіk qurylymdaǵy kezektі ózgerіs retіnde baǵalanyp otyr.
Material avtory
