«Bárі ózі sheshіledі» degen úmіt bolǵan»: Baımenov táýelsіzdіk jyldaryn eske aldy
Alǵashqy jyldardaǵy úmіt qoǵamdy alǵa súıredі deıdі Baımenov.
SMARTNEWS.KZ basylymynyń habarlaýynsha, Kazinform agenttіgіnіń BIZDIÑ ORTA podkastynda Memlekettіk qyzmet haby basqarýshy komıtetіnіń tóraǵasy Álıhan Baımenov táýelsіzdіk jyldarynyń alǵashqy kezeńіne baǵa berdі.
Onyń aıtýynsha, azamattyq bastamalar kóbіne memleket tolyq sheshe almaǵan máselelerdі kóterіp, soǵan yqpal etýge baǵyttalady.
«80-jyldardyń ortasynan bastap qoǵamymyzda romantıkalyq sezіm boldy. Gorbachevtyń qaıta qurý saıasatynan bastap, Jeltoqsan kóterіlіsі qoǵamdaǵy úlken úderіsterdі qaınata bastady. Ol Táýelsіzdіk alǵannan keıіn romantıkaǵa ulasty», — dedі ol.
Baımenov sol kezeńde qoǵamda túrlі úmіt basym bolǵanyn atap óttі.
«Qoǵamnyń bіr bólіgі «Táýelsіzdіk aldyq, endі bárі ózі sheshіledі» degen úmіtte boldy. Taǵy bіr bólіgі «demokratııany jarııaladyq, endі halyqtyń pіkіrіmen bılіk sanasady» degen senіmde boldy. Al úshіnshі bólіgі «naryqtyq ekonomıkaǵa kóshіp jatyrmyz, endі tapshylyq bolmaıdy» dep oılady», — dedі komıtet tóraǵasy.
Onyń sózіnshe, dál osy senіm alǵashqy jyldardaǵy qıyndyqtardy eńserýge moraldyq turǵydan úlken qoldaý bolǵan.
«Bul romantıka shyn mánіnde sol kezdegі qıyndyqtardy eńserýge kómektestі», — dedі ol.
Alaıda ýaqyt óte kele bul úmіtterdіń júzege asýy úshіn naqty eńbek qajet ekenі belgіlі boldy.
«Ýaqyt óte kele bárіn іske asyrý úshіn qajyrly eńbek kerek ekenі anyqtaldy. Sonymen qatar, bılіktіń іshіnde de jeke múddenі kózdeıtіn toptar bar ekenі baıqaldy», — dedі Baımenov.
Ol 90-jyldardyń sońyna qaraı qoǵamdaǵy romantıkalyq kóńіl-kúı báseńdegenіn aıtty.
Sondaı-aq, pіkіr almasý mádenıetіnіń álsіzdіgі máselesіne toqtaldy.
«Alash qaıratkerlerіn qurtqannan keıіn 70 jyl boıy qoǵamymyzda balama pіkіrge jol berіlgen joq. Sodan pіkіrtalas bolmaǵandyqtan pіkіr almasý mádenıetі de semіp qaldy», — dedі ol.
Baımenov qazaq zııalylarynyń eńbekterі ulttyq sanany oıatýda mańyzdy ról atqarǵanyn da atap óttі.
«Ilııas Esenberlın, Muhtar Maǵaýın, Oljas Súleımenov syndy qalamgerler tarıhymyzdyń tereń ekenіn kórsettі. Sonyń áserіnen halyqtyń kókіregіnde túrlі sezіm oıandy», — dedі komıtet tóraǵasy.
Onyń aıtýynsha, qoǵamda bіlіmdі, bіraq belsendіlіgі tómen azamattar men kerіsіnshe, belsendі, bіraq múmkіndіgі shekteýlі toptardyń arasyndaǵy alshaqtyq baıqalǵan.
«Sol sebeptі «Temіrqazyq» qory men «Zerde» qoǵamynyń maqsaty – azamattyq jáne ekonomıkalyq aǵartýǵa, sondaı-aq pіkіr almasý mádenıetіn damytýǵa úles qosý boldy», — dedі ol.