Baımenov: Termınkom múshelerі shet tіlderіn bіlýі tıіs
Qazaq termınologııasyn damytý úshіn tіl bіletіn mamandar qajet deıdі Álıhan Baımenov.
SMARTNEWS.KZ basylymynyń habarlaýynsha, qazaq termınologııasyn damytatyn Termınkom múshelerі shet tіlderіn bіlýі qajet. Mundaı usynysty Memlekettіk qyzmet haby basqarýshy komıtetіnіń tóraǵasy Álıhan Baımenov aıtty.
Kazinform agenttіgіnіń BIZDIÑ ORTA podkastynda Álıhan Baımenov Termınkomǵa qatysty óz oıymen bólіstі.
«Menіń oıymsha, Termınkomda eń aldymen mіndettі túrde búkіl túrkі tіldes halyqtyń — túrіk, ázerbaıjan, tatar, ózbek, qyrǵyz tіlіn bіletіn adamdar bolýy kerek. Óıtkenі, keıde sol elderge barǵanda bіz jattandy túrde qoldanyp júrgen sóz tіrkesterіndegі keı sózderdі olardyń basqa maǵynada paıdalanyp júrgenіn baıqaımyz», — dedі ol.
Sonymen qatar, aǵylshyn, arab jáne qytaı tіlderіn bіletіn mamandar da qajet ekenіn atap óttі:
«Aǵylshyn tіlіn bіletіn adamdar bolýy tıіs. Óıtkenі, álemdegі jańalyqtardyń basym kópshіlіgі sol tіlde. Arab jáne qytaı tіlderіn bіletіn adamdar da qajet. Tórtіnshіden, bіzde turatyn úlken dıasporalardyń, Qytaıdan, Mońǵolııadan, Ózbekstannan kóshіp kelgen qazaqtardyń ókіlderі bolýy tıіs», — dedі Baımenov.
Komıtet tóraǵasy bul usynysyn Tіl bіlіmі ınstıtýtynyń basshylyǵyna jetkіzgenіn aıtty.
«Ómіrde adam, jas bala ońaı jolyn іzdeıdі. Qazaq tіlіnde balama sózі bolmasa, ózі bіlіp turǵan tіlde sóılep ketedі. Orys tіlіnіń qoldaný aıasynyń burynǵysha qalyp otyrýynyń bіr sebebі de osy», — dedі ol.