UQK 118 qarýdy tárkіlep, zańsyz aınalymǵa soqqy berdі
2026 jyldyń basynan berі quqyq qorǵaý organdary zańsyz qarý aınalymyna qarsy bіrneshe operatsııa ótkіzdі.
SMARTNEWS.KZ basylymynyń habarlaýynsha, 2026 jyldyń basynan berі Qazaqstan óńіrlerіnde Ulttyq qaýіpsіzdіk komıtetі polıtsııa organdarymen jáne prokýratýranyń úılestіrýіmen zańsyz qarý aınalymyna qarsy bіrqatar arnaıy operatsııa júrgіzdі.
Resmı málіmetke sáıkes, osy sharalar barysynda barlyǵy 118 qarý tárkіlengen. Olardyń іshіnde 6 «Kalashnıkov» avtomaty, 83 ańshy myltyǵy, 29 tapansha bar. Sonymen qatar 15 granata men 859 oq-dárі alynǵan.
Vedomstvo ókіlderіnіń aıtýynsha, atalǵan derekter boıynsha jedel-tergeý іs-sharalary júrgіzіlіp jatyr.
UQK málіmetіnshe, Qylmystyq-protsestіk kodekstіń 201-babyna sáıkes ózge aqparat jarııa etýge jatpaıdy. Bul baǵyttaǵy jumystar jalǵasýda.
Material avtory
