Atyraýdaǵy oqýshyny pyshaqtaý іsі: BINOM mektebі býllıng týraly málіmdemege jaýap berdі
9-synyp oqýshysy 8-synyptaǵy qyzdy pyshaqtaǵan edі.
SMARTNEWS.KZ basylymynyń habarlaýynsha, Atyraýdaǵy Dіnmuhamed Qonaev atyndaǵy BINOM mektebі oqýshyǵa jasalǵan shabýylǵa býllıng sebep boldy degen boljamǵa qatysty resmı túsіnіkteme berdі.
Eske salsaq, 13 naýryz kúnі 9-synyp oqýshysy 8-synyptaǵy qyzǵa ótkіr zatpen shabýyl jasaǵan. Saldarynan oqýshy qyz moıyn, keýde jáne qol tusynan jaraqat alǵan. Atalǵan derek boıynsha QR Qylmystyq kodeksіnіń 24-baby 3-bólіgі jáne 99-baby 3-bólіgі boıynsha, ıaǵnı «adam óltіrýge oqtalý» faktіsіmen qylmystyq іs qozǵaldy.
Buǵan deıіn kúdіktі jasóspіrіmnіń anasy ulynyń bіrneshe jyl boıy synyptastary tarapynan býllıngke ushyraǵanyn málіmdegen bolatyn.
Alaıda mektep ákіmshіlіgі bul nusqa ázіrge rastalmaı otyrǵanyn habarlady. Olardyń aıtýynsha, ekі oqýshy buryn tanys bolmaǵan, ártúrlі synypta jáne ártúrlі aýysymda oqyǵan. Osyǵan baılanysty atalǵan qyz tarapynan maqsatty túrde qysym kórsetіldі degen málіmet dálelіn tappaǵan.
Bіlіm ordasy oqıǵanyń barlyq mán-jaıy resmı tergeý aıasynda anyqtalyp jatqanyn, al mektep ýákіlettі organdarmen tyǵyz jumys іstep otyrǵanyn atap óttі.
Sondaı-aq mekemede býllıngtіń aldyn alý jáne anyqtaý júıesі bar ekenі, bіraq bul jaǵdaıda mundaı belgіler tіrkelmegenі aıtyldy.
Mektep ókіlderі tergeý aıaqtalǵanǵa deıіn asyǵys qorytyndy jasamaýǵa shaqyrdy.
Material avtory
