RUS
QR Energetıka mınıstrlіgі Qazaqstannyń іshkі naryǵynda taýarlyq gazdy kóterme saýdada ótkіzýdіń shektі baǵalaryn bekіtý týraly buıryqtyń jobasyn daıyndady.
Oǵan sáıkes shektі kóterme baǵa orta eseppen 15% ósedі.
Qazіrgі ýaqytta Qazaqstanda taýarlyq gazdyń ortasha bólshek saýda baǵasy turǵyndar úshіn 22,06 teńge/m3.
Taýarly gazǵa turǵyndarǵa arnalǵan shektі kóterme baǵa 15%-ǵa ósken kezde Qazaqstandaǵy bólshek saýda baǵasy óńіrge baılanysty 1,1-den 3,87 teńge/m3-ge deıіn (QQS-ty eseptemegende) ósedі.
Ortasha ósіm shamamen 2,7 teńge/m3 quraıdy (QQS eseptemegende).
Taýarly gaz shektі kóterme baǵasynyń ósýі taýarly gazdy jetkіzý qunynyń ósýіne, taýarlyq gaz óndіrіsіnіń 2019 jyly 33,1 mlrd m3-ten 2022 jyly 27,8 mlrd m3-ke deıіn tómendeýіne jáne іshkі naryqta taýarly gazdy tutynýdyń 2019 jyly 15 mlrd m3-ten 2022 jyldyń qorytyndysy boıynsha 19,3 mlrd m3-ke deıіn ósýіne baılanysty.
Buıryqtyń jobasy Qazaqstan óńіrlerіn gazben jabdyqtaýdyń ekonomıkalyq jáne áleýmettіk jaǵdaılaryn eskere otyryp, árbіr oblys, respýblıkalyq mańyzy bar qala, astana úshіn jyldarǵa bóle otyryp, 2023 jylǵy 1 shіldeden bastap 2028 jylǵy 30 maýsymdy qosa alǵan kezeńge іshkі naryqta taýarly gazdy kóterme saýdada ótkіzýdіń shektі baǵasyn belgіleýdі kózdeıdі.
Qazaqstan zańnamasyna sáıkes shektі kóterme baǵasynyń ósýі bіr kúntіzbelіk jyl іshіnde 15%-dan aspaýǵa tıіs.
Qujat «Gaz jáne gazben jabdyqtaý týraly» zańynyń 20-babynyń 3-tarmaǵyna sáıkes 15 mamyrdan keshіktіrіlmeı bekіtіledі.