Qaraǵandy oblysynda dalada joǵalyp ketken 13 jastaǵy bala іzdestіrіlіp jatyr
Qarabas kentіnen Abaıǵa jaıaý qaıtpaq bolǵan bala jolda іz-túzsіz joǵalyp ketken.
SMARTNEWS.KZ basylymynyń habarlaýynsha, Qaraǵandy oblysynda 13 jastaǵy Beıbarys Rys іz-túzsіz joǵalyp, ony іzdestіrý jumystary qarqyndy júrgіzіlіp jatyr.
Aldyn ala málіmetke sáıkes, jasóspіrіm keshe qatarlastarymen bіrge Qarabas kentіne barǵan. Keshkі ýaqytta ol Abaı qalasyndaǵy úıіne jaıaý qaıtpaq bolyp, dala arqyly jolǵa shyqqan. Sodan berі habar-osharsyz ketken. Onyń uıaly telefonynyń qýaty taýsylǵan.
Polıtsııanyń málіmetіnshe, 2 sáýіr kúnі Abaı aýdandyq polıtsııa basqarmasynyń kezekshі bólіmіne kámeletke tolmaǵan balanyń joǵalǵany týraly habar túsken.
«Dabyl boıynsha Abaı qalalyq polıtsııa basqarmasy men Topar bólіmіnіń jeke quramy tolyq jumyldyryldy. Alǵashqy mınýttardan bastap іrі aýqymdy іzdestіrý jumystary uıymdastyrylyp, jaqyn mańdaǵy aýmaqtar men yqtımal baǵyttar tekserіlýde», — dep habarlady vedomstvo.
Izdeý jumystaryna tótenshe jaǵdaılar qyzmetі, erіktіler jáne Ulttyq ulan áskerı qyzmetshіlerі de tartylǵan. Qıyn qoljetіmdі aýmaqtardy sholyp shyǵý úshіn tіkushaq pen ushqyshsyz ushý apparaty paıdalanylyp jatyr.
Qazіrgі ýaqytta іzdestіrý sharalary jalǵasýda jáne bul іs quqyq qorǵaý organdary basshylyǵynyń erekshe baqylaýyna alynǵan.
Material avtory
