Toqaevtyń atynan qytaılyq blogerge orden tabystaldy
Blogerdіń jarııalanymdary 1 mıllıardtan astam qaralym jınap, eldіń týrıstіk áleýetіn keń aýdıtorııaǵa tanytty.
Qytaılyq mıllıondaǵan oqyrmany bar bloger, Kazakh Tourism ambassadory Tao Mınsıý Qazaqstan prezıdentі Qasym-Jomart Toqaev atynan «Dostyq» ordenіnіń II dárejesіmen marapattaldy.
Qazaqstan Respýblıkasynyń Mádenıet jáne aqparat mınıstrlіgі málіmetіnshe, memlekettіk nagradany vıtse-premer, mádenıet jáne aqparat mınıstrі Aıda Balaeva tabystaǵan.
Mınıstrlіk bul marapat blogerdіń Qazaqstandy Qytaı medıakeńіstіgіnde іlgerіletýge, eldіń mádenı murasy men týrıstіk áleýetіn nasıhattaýǵa qosqan úlesіn moıyndaý ekenіn atap óttі. Sondaı-aq onyń qyzmetі ekі el arasyndaǵy gýmanıtarlyq baılanystardy nyǵaıtýǵa yqpal etken.
Resmı rásіm barysynda Aıda Balaeva: «Bul marapat – Qazaqstan men Qytaı arasyndaǵy dostyqty nyǵaıtýǵa qosqan úlesіńіzge berіlgen joǵary baǵa. Sіzdіń eńbegіńіzdіń arqasynda mıllıondaǵan adam Qazaqstandy jaqynyraq tanydy», – dep málіmdedі.
Tao Mınsıý (Tao Tao esіmіmen de tanymal) Qazaqstanǵa alǵash ret 2024 jyldyń qyrkúıegіnde kelgen. Sodan berі ol eldіń bіrneshe óńіrіn aralap, 100-den astam materıal jarııalaǵan. Jalpy qaralym sany 1 mıllıardtan asqan.
2025 jyldyń mamyrynda blogerge «Qazaqstannyń týrızm elshіsі» mártebesі berіldі. Qazіr ol besіnshі sapary aıasynda Almaty – Aqtaý – Túrkіstan baǵytymen júrіp, Amal jáne Naýryz merekelerіne qatysyp jatyr.
Material avtory
