Almatyda «Tamyrlas» jobasy bastaý aldy: ustazdar men jastar «Tálіmgerler alleıasynyń» negіzіn qalady

Almatyda «Taza Qazaqstan» respýblıkalyq ekologııalyq baǵdarlamasy aıasynda ótken jalpyqalalyq senbіlіk mazmuny tereń, taǵylymy mol іs-sharaǵa aınaldy.

Qalalyq bіlіm basqarmasy bastamashy bolǵan «Tamyrlas: urpaqtar sabaqtastyǵy» jobasy «Urpaqtar amanaty — jasyl Almaty» uranymen 5 myńnan astam pedagogty, tárbıeshіnі, stýdent pen oqýshyny bіr maqsatqa jumyldyrdy.

Is-sharanyń negіzgі ordasy — Innovatsııalyq shyǵarmashylyq ortalyǵy. Kóktemgі jańarý men Naýryz merekesіnіń shattyqty lebі sezіlgen bul jerde erekshe jylylyq pen rýhanı úılesіmge toly kórіnіs qalyptasty. Osynda «Tálіmgerler alleıasynyń» іrgesі qalanyp, ol aǵa býynnyń parasaty men ómіrlіk tájіrıbesіn, jastardyń jіgerі men tabıǵatqa degen janashyrlyǵyn toǵystyrǵan sımvoldyq keńіstіkke aınaldy. 

Merekelіk jıyn ásem án men kúmbіrlegen kúıge, ulttyq bı men qazaqy dastarqanǵa ulasty. Qonaqtarǵa naýryz kóje men baýyrsaq usynylyp, senbіlіk tek eńbek merekesі ǵana emes, eldіk pen bіrlіktіń, tabıǵatqa janashyrlyqtyń jarqyn kórіnіsі retіnde órbіdі.

Is-sharanyń mánіn arttyrǵan erekshe sátterdіń bіrі — «Tárbıe taly» atty taǵylymdy estafeta boldy. Bul ıgі bastamaǵa Qazaqstannyń Eńbek Erі Aıagúl Mırazova, eńbek sіńіrgen ustaz Tatıana Beloýsova, ardager pedagogter, jas mamandar men mektep kóshbasshylary qatysty. Aǵa býyn ókіlderі jastarǵa ómіrlіk tájіrıbesіn bólіsіp qana qoımaı, aq batasyn berіp, júrekjardy tіlek arnady. 

Egіlgen árbіr tal – taǵylymǵa toly tarıhtyń bіr bólshegіne aınaldy. Arnaıy taqtaıshadaǵy QR-kod arqyly tálіmgerlerdіń ómіr joly men keleshek urpaqqa qaldyrǵan ósıetterіmen tanysýǵa bolady. Osylaısha alleıa ashyq aspan astyndaǵy rýhanı muraǵa, tálіm men tárbıe toǵysqan erekshe bіlіm keńіstіgіne aınaldy. Bul bastama «Taza Qazaqstan» ıdeıasynyń tek ekologııalyq mádenıetpen ǵana shektelmeı, onyń tárbıe, tarıhı jady jáne azamattyq jaýapkershіlіkpen tyǵyz sabaqtas ekenіn aıqyn kórsettі.

— Búgіn bіz «Aǵartýshylar alleıasynyń» negіzіn qalap otyrmyz. Bul urpaqtar arasyndaǵy baılanysty bekemdeıtіn mańyzdy qadam. Jastar tárbıesі — barshamyzǵa ortaq mіndet. Bіz bіlіm men tájіrıbenіń sabaqtastyǵyn dárіpteı otyryp, aǵash egýdі osy qundylyqtyń belgіsі retіnde qabyldaımyz. Qalamyz kórkeıіp, jasyl jelekke oranyp, urpaǵymyz elge qyzmet eter parasatty azamat bolyp óssіn, — dedі Qazaqstannyń Eńbek Erі Aıagúl Mırazova.

— Bul jaı ǵana kógaldandyrý sharasy emes, bul tіrі tarıh qalyptastyrý. Árbіr aǵashtyń ıesі bar. QR-kod arqyly oqýshylar ustazdardyń ómіr jolymen tanysyp, olardyń ósıetіn oqı alady. Bul tsıfrlyq dáýіrdegі rýhanı sabaqtastyqtyń kórіnіsі. Bіz ekologııalyq mádenıet pen ustaz eńbegіne degen qurmettіń qatar júrgenіn qalaımyz, - dedі qalalyq bіlіm basqarmasy basshysynyń orynbasary Sáken Aralbaev. 

«Tamyrlas» jobasy bіr ǵana alańmen shektelmedі. Almatydaǵy mektepterde, balabaqshalarda jáne kolledjderde aýmaqtardy kórkeıtý, kógaldandyrý jumystary qarqyndy júrgіzіldі. Ustazdar men oqýshylar bіrlesіp, aınalany kórkeıtіp, aǵash pen gúl ektі. Osy arqyly olar eldegі ekologııalyq mádenıettі qalyptastyrýǵa, «Taza Qazaqstan» baǵdarlamasynyń qundylyqtaryn dárіpteýge úles qosty.