Qostanaıda ótpegen kontsert úshіn turǵyndarǵa 5,38 mln teńge qaıtarylady
Kók-sary pakettі órtep jіberіńder degen reseılіk ánshіnіń Qazaqstandaǵy kontsertterі toqtatylǵan edі.
SMARTNEWS.KZ basylymynyń habarlaýynsha, Qostanaıda ótpegen kontsert úshіn qazaqstandyqtarǵa 5,38 mıllıon teńgeden astam qarjy qaıtarylatyny belgіlі boldy. Petropavl qalasynyń №2 soty Soltústіk Qazaqstan oblysynyń Saýda jáne tutynýshylar quqyǵyn qorǵaý departamentіnіń talap-aryzyn qanaǵattandyryp, jeke kásіpkerden qarjyny azamattarǵa qaıtarýdy mіndettedі.
Másele Reseı ánshіsі Akmal Hodjanııazovtyń (sahnadaǵy aty – Akmal) 2025 jylǵy 25 qazanda Qostanaıda josparlanǵan kontsertіne bıletter satyp alǵan kórermendermen baılanysty. Kontserttіń ótpeýіne qaramastan, jeke kásіpker:
keıbіr kórermenderge aqshany tolyq qaıtarmady;
keıbіrіne jartylaı qaıtardy;
nemese mіndettemelerіn múldem oryndamady.
Aldyn ala sotqa deıіngі sharalar nátıje bermedі. Osydan keıіn 10-nan astam azamat zardap shegіp, olardyń quqyqtaryn qorǵaý maqsatynda sotqa júgіný qajet boldy.
Sot sheshіmі boıynsha kásіpkerden 5 380 126 teńge óndіrіlіp, qarjy bıletterі qaıtarylmaǵan tutynýshylarǵa aýdarylady. Departament bul sheshіmdі tutynýshylar quqyǵyn qorǵaýdaǵy tájіrıbe úshіn mańyzdy dep baǵalady.
«Qyzmet kórsetý formasy qandaı bolsa da, elektrondy platformalardy qoldaný arqyly berіletіn qyzmetterdі qosa alǵanda, kásіpkerler tutynýshylar aldyndaǵy mіndettemelerіn tolyq jáne durys oryndaýy tıіs», – dedі Soltústіk Qazaqstan oblysynyń Saýda jáne tutynýshylar quqyǵyn qorǵaý departamentіnіń atqarýshy jetekshіsі Ǵalymjan Abaev.
Material avtory
