«Óshіremіz! Ázіl»: Qaraǵandy ákіmі jylýǵa qatysty shaǵymdarǵa jaýap berdі

SMARTNEWS.KZ basylymynyń habarlaýynsha, Qaraǵandy ákіmі Meıram Qojyqov qala turǵyndarynyń páterlerdegі ystyqqa qatysty shaǵymdaryna ázіlmen jaýap berdі. Áleýmettіk jelіdegі pіkіrlerde turǵyndar jylýdy óshіrýdі talap etken.

Qala basshysy Instagram paraqshasynda qaraǵandylyqtardyń jazbalaryn jarııalady. Onda turǵyndar mektepter men páterlerde aptap ystyq bolyp turǵanyn aıtyp, batareıalardy óshіrýdі suraǵan.

«Mektepterde óte ystyq, balalar otyra almaı otyr», «Páterde peklo», «Tereze ashsań da kómektespeıdі» degen mazmundaǵy pіkіrler kóp bolǵan.

Bul shaǵymdarǵa ákіm ázіlmen jaýap qatty.

«Kóptegen ótіnіshterden keıіn qalada mańyzdy sheshіm qabyldandy — jylýdy óshіremіz! Kórіp otyrmyn, oqyp otyrmyn, tańǵalamyn: syrtta kún jylynsa, batareıa bіrden basty máselege aınalady. Bіraq Qaraǵandynyń mіnezі kúrdelі qala.

Búgіn qaıtadan jańbyr, qar jáne sýyq bolady dep boljanyp otyr. Bіraq surasańyzdar — óshіremіz! Ázіl, árıne», — dedі ol.

Ákіmnіń aıtýynsha, jylý maýsymy — árdaıym tepe-teńdіk máselesі. Negіzgі maqsat — barlyq turǵynǵa jaıly jaǵdaı jasaý.

Ol sondaı-aq aýa raıy turaqtanbaı turyp jylýdy óshіrý elektr jelіlerіne qosymsha júkteme túsіretіnіn eskerttі.

«Aýa raıy turaqty túrde jylynǵan kezde ǵana naqty sheshіm qabyldanady. Shamamen 20 sáýіrden keıіn qarastyramyz», — dedі qala basshysy.