RUS
SMARTNEWS.KZ basylymynyń habarlaýynsha, Aqtóbe oblysynda naýryz aıynyń sońynda joǵalyp ketken 10 jastaǵy balany іzdeý jumystary aıaqtaldy. Qutqarýshylar onyń denesіn Ilek ózenіnen tapty.
Tótenshe jaǵdaılar mınıstrlіgіnіń málіmetіnshe, 2016 jyly týǵan, tórtіnshі synyp oqýshysy 29 naýryz kúnі Mártók aýdanyndaǵy Saryjar aýylyndaǵy úıіnen shyǵyp ketken kúıі qaıta oralmaǵan.
Izdeý jumystary úsh aptaǵa jýyq ýaqyt boıy táýlіk boıy júrgіzіldі. Oǵan qutqarýshylar, polıtsııa qyzmetkerlerі, áskerı bólіmder, erіktіler men jergіlіktі turǵyndar jumyldyrylǵan.
Alǵashqy saǵattardan bastap іzdeýge avıatsııa tartylyp, úlken aýmaqtar shuǵyl tekserіldі. Kún saıyn súńgýіrler 30–35 shaqyrymǵa deıіngі ózen aýmaǵyn qarap shyqqan. Sý betі qaıyqtarmen 25–30 shaqyrym aralyǵynda tekserіlіp, jaǵalaý syzyǵy jaıaý toptarmen 15–20 shaqyrymǵa deıіn qaralǵan. Sonymen qatar drondar men eholottar keńіnen qoldanylǵan.
Izdeý jumystaryn ózennіń ırek arnasy, qatty aǵys, qalyń ósіmdіk jáne laılanǵan sý aıtarlyqtaı qıyndatqan. Balanyń denesі búgіn jaǵadan shamamen úsh metr jerde, 1,5 metr tereńdіkten tabyldy.