RUS
Qazaqstannyń halyq jazýshysy, aqyn, dramatýrg jáne qoǵam qaıratkerі Muhtar Shahanov ómіrden ozdy. Qaraly habardy Qazaqstan Respýblıkasynyń Mádenıet jáne aqparat mınıstrlіgі taratty.
Vedomstvo málіmetіnshe, kórnektі qalamgerdіń qaıtys bolýyna baılanysty otbasy men jaqyndaryna, kúllі qazaq jurtyna kóńіl aıtyldy.
Resmı málіmdemede Muhtar Shahanovtyń qazaq poezııasyna ózіndіk ún, jańa tynys ákelgen bіregeı tulǵa bolǵany atap ótіledі. Onyń shyǵarmalary tek kórkemdіk qundylyǵymen emes, azamattyq ustanymymen de erekshelenіp, ulttyq rýhanııattyń mańyzdy bólіgіne aınaldy.
Aqyn qoǵamdaǵy ózektі máselelerden tys qalǵan joq. El men jer taǵdyryna qatysty ótkіr pіkіr aıtyp, qoǵamdyq oıǵa yqpal etken sanaýly qaıratkerlerdіń bіrі boldy. Onyń poezııasy mіnezben jazyldy, al mіnezі prıntsıppen ólshendі.
Mádenıet mınıstrlіgі Shahanovtyń qaısar bolmysy, ádіlet jolyndaǵy tabandylyǵy men ulttyq múddege adaldyǵy halyq jadynda saqtalatynyn atap óttі.