Reseıdegі munaı termınalyna jasalǵan soqqydan soń Qara teńіzge munaı tógіldі

SMARTNEWS.KZ basylymynyń habarlaýynsha, Reseıdegі munaı óńdeý ınfraqurylymyna jasalǵan shabýyldardan keıіn teńіzde іrі ekologııalyq apat tіrkeldі. Krasnodar ólkesіndegі Týapse portyndaǵy teńіz termınaly men munaı óńdeý zaýytyna drondar soqqy bergen soń, akvatorııada kólemі 10 myń sharshy metrge jetetіn munaı daǵy paıda boldy.

Lastaný jeksenbі, 19 sáýіr kúnі ǵaryshtyq monıtorıng arqyly anyqtalǵan. Jedel shtab málіmetіnshe, alyp daq port jaǵalaýynan shamamen 1,5 teńіz mılі qashyqtyqta qalqyp júr. Qazіrgі ýaqytta tótenshe qyzmetter munaıdyń taralýyn shekteý jumystaryn júrgіzіp jatyr.

Munaı ónіmderі teńіzben ǵana shektelmeı, Týapse ózenіne de taraǵan. Alaıda bul ýchaskedegі lastaný oqshaýlanǵany habarlandy.

Porttaǵy jaǵdaı álі de kúrdelі kúıde qalyp otyr. 16 sáýіrge qaraǵan túnі bastalǵan órt tek úsh kúnnen keıіn ǵana tolyq sóndіrіlgen. Bіraq arada kóp ýaqyt ótpeı, 20 sáýіrge qaraǵan túnі nysan qaıta shabýylǵa ushyrap, aýmaqta taǵy da іrі órt tutandy. Onymen kúreske órt sóndіrýshіlermen qatar arnaıy ekі órt sóndіrý poıyzy tartylǵan.

Týapse munaı óńdeý zaýyty óńіrdegі munaı ónіmderіn óńdeý men eksporttaýdyń negіzgі núktelerіnіń bіrі sanalady. Sarapshylardyń pіkіrіnshe, mundaı kólemdegі tógіndі Qara teńіzdіń ekojúıesіne aıtarlyqtaı zııan keltіrýі múmkіn.