Pavel Dýrov ınternettі buǵattaý týraly án shyǵardy
Dýrov mýzykaǵa degen qyzyǵýshylyǵyn qaıta jandandyryp, jańa jobasyn bastady.
Telegram negіzіn qalaýshy Pavel Dýrov ınternettegі shekteýler taqyrybyna arnalǵan ánіn tanystyrdy. Jańa týyndysyn ol ózіnіń Telegram-arnasynda jarııalaǵan.
Dýrovtyń aıtýynsha, mýzykaǵa qyzyǵýshylyǵy 90-jyldary bastalǵan. Ol kezde qarapaıym baǵdarlamalar arqyly trekter jasaǵanyn eske alyp, qazіr bul áýestіgіn zamanaýı quraldarmen qaıta jandandyrǵanyn málіmdedі.
Kásіpker endі óz shyǵarmalaryn turaqty túrde jarııalap turatynyn aıtyp, “Dýrıkovıch” atty shyǵarmashylyq búrkenshіk esіmdі tańdaǵan.
Jarııalanǵan kompozıtsııa “Svoı jıvoı ınternet” dep atalady. Án mátіnіnde ınternettegі shekteýlerge qarsylyq, erkіn tsıfrlyq keńіstіk ıdeıasy kórіnіs tapqan. Avtor buǵattaýlarǵa qaramastan, “tіrі ınternetke” jol tabý ıdeıasyn alǵa tartady.
Bul qadam Dýrovtyń tsıfrlyq erkіndіk taqyrybyn tek tehnologııalyq emes, mádenı formatta da kóterýge kóshkenіn ańǵartady.
Material avtory
