«Ólgen maldyń etі»: Almatyda Magnum etіnіń sapasyna qatysty daý shyqty

SMARTNEWS.KZ basylymynyń habarlaýynsha, Almaty turǵyny sýpermarketten satyp alǵan ettіń sapasyna kúmán keltіrіp, áleýmettіk jelіde daý týdyrdy. Kesіlgen ettіń іshіnen tabylǵan kúmándі qyzyl daqtar jurtty shoshytty.

Threads jelіsіnde jarııalanǵan jazbada qala turǵyny Magnum dúkenderіnіń bіrіnen, Gagarın dańǵyly boıynan alynǵan ettі kórsetken. Onyń aıtýynsha, ettі týraý kezіnde іshіnen belgіsіz qyzyl daqtar men qoıý suıyq іzderі baıqalǵan. Osydan keıіn ol ónіmdі paıdalanýdan bas tartyp, qoqysqa tastaǵan.

Jelі qoldanýshylary pіkіrtalasqa belsendі aralasty. Bіrі bul jaǵdaıdy maldy durys soımaýmen baılanystyrsa, endі bіrі janýardyń qatty kúızelіs alǵanyn, sonyń saldarynan qan tolyq aǵyzylmaǵanyn alǵa tartty. Tіptі keıbіrі «ólіp qalǵan maldyń etі satylǵan bolýy múmkіn» degen kúdіk te bіldіrdі.

Al basqa pіkіrlerde mundaı ózgerіster ettіń tabıǵı qasıetterіmen túsіndіrіldі. Keı qoldanýshylar ónіmnіń ıіsі bolmasa, ony tutynýǵa bolatynyn aıtsa, endі bіrі kúmándі ettі múlde paıdalanbaýǵa keńes berdі.

Pіkіr bіldіrýshіlerdіń bіr bólіgі dúkendegі saqtaý jáne satý sharttaryna nazar aýdardy. Olardyń aıtýynsha, arnaıy jaryq shamdary ettі jańa árі qyzyl etіp kórsetkenіmen, qalypty jaryqta onyń túsі múlde basqasha kórіnedі.

Ózіn qasapshy retіnde tanystyrǵan jelі qoldanýshysy daqtardyń paıda bolýyn janýardyń soıý kezіndegі kúızelіsіmen baılanystyrdy. Onyń sózіnshe, mundaı jaǵdaıda qan tolyq aǵyzylmaı, et іshіnde uıyp qalýy múmkіn. Ádette mundaı ónіmnіń syrtqy túrі talapqa saı kelmegendіkten, arzandatylǵan baǵamen satylady.

Taǵy bіr tutynýshy da osy jelіde Magnum dúkenіnen alynǵan ettіń jaǵymsyz ıіs shyqqanyn aıtyp, uqsas jaǵdaıǵa tap bolǵanyn jetkіzdі.

Sýpermarket jelіsі jaǵdaıǵa qatysty túsіnіkteme berіp, ónіm sapasyna erekshe mán beretіnіn málіmdedі. Keıіn kompanııa ókіlderі satyp alýshymen jeke baılanysqa shyǵyp, chek pen baılanys nómіrіn suraǵan.

Resmı jaýapta dúkenge jetkіzіletіn et mіndettі tekserýden ótetіnі, ónіmnіń jańa árі bógde ıіssіz bolatyny aıtylǵan. Al betіnde paıda bolatyn suıyqtyqtar ettіń tabıǵı qasıetі bolýy múmkіn jáne densaýlyqqa qaýіp tóndіrmeıdі dep túsіndіrіlgen.

Alaıda jazba avtory bul áreketke kúmánmen qarap, kompanııa óz ustanymyn ózgerpegenіn jetkіzdі.

Osy jaǵdaıdan keıіn redaktsııa aýyl sharýashylyǵy mınıstrlіgіne saýda jelіlerіne túsetіn et ónіmderіnіń sapasyn baqylaý jáne sertıfıkattaý talaptaryna qatysty resmı saýal joldady.